POP 5

Lajmet më të lexuara të 5 minutave të fundit

Politikë

Jo më shumë se 10 persona në një ambient/ Masat e reja anulojnë zhvillimin e seancave parlamentare

Masat e reja anti-COVID kanë prekur edhe seancat plenare. Kështu mësohet se nuk do të ketë parlament ditën e enjte, kjo pasi dalohen grumbullimet me më shumë se 10 persona në një ambient. 

TIRANË- Nga kjo e enjte e në vijim nuk do të zhvillohen më seanca parlamentare deri në një urdhër të dytë. Ky vendim vjen pas masës së re të marrë nga Komiteti Teknik i Ekspertëve një ditë mi parë i cili ndaloi grumbullim me më shumë se 10 persona në një ambient të hapur ose të mbyllur.

Për të respektuar këtë rregullon Kuvendi njofton anulimin e seancës së planifikuar në datën 19 nëntor. Ndërkohë që puna e komisioneve parlamentare do të vijojë rregullisht të zhvillohet online. Kuvendi njofton gjithashtu se  Kryetari Gramoz Ruçi, i është drejtuar Komitetit Teknik të Ekspertëve dhe Ministres së Shëndetësisë Ogerta Manastirliu,  për të bërë një interpretim lidhur me vazhdimin e seancave plenare të Kuvendit,

"Të nderuar kolegë, Në zbatim të Vendimit të Komitetit Teknik të Ekspertëve të datës 17.11.2020 dhe të Urdhërit të Ministres së Shëndetësisë dhe Mbrojtjes Shoqërore nr. 633, datë 17.11.2020 “Për ndalimin e grumbullimeve në vende të mbyllura apo të hapura”, Kryetari i Kuvendit vendosi që të mos zhvillohet seanca plenare e Kuvendit të Shqipërisë, e planifikuar për ditën e enjte, datë 19 nëntor 2020.

Në respekt të zbatimit të këtyre masave, Kryetari i Kuvendit, z. Gramoz Ruçi, i është drejtuar Komitetit Teknik të Ekspertëve dhe Ministres së Shëndetësisë dhe Mbrojtjes Shoqërore, znj. Ogerta Manastirliu,  për të bërë një interpretim lidhur me vazhdimin e seancave plenare të Kuvendit. Puna në komisionet parlamentare vazhdon online", njofton Kuvendi. 

Në mbledhjen e fundit, Komiteti Teknik i Ekspertëve vendosi ndalimin e grumbullimeve me më shumë se 10 personave në vende të hapura dhe të mbyllura si dhe ndalimin e mbledhjeve partiake dhe tubimet. Kjo erdhi si një masë parandaluese ndaj COVID-19, nisur nga fakti që janë shtuar rastet e reja ditore të të infektuarve si edhe numrit të lartë të të shtruarve në 3 spitalet COVID në vendin tonë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i Keq/ Në Mirditë bora bllokon rrugët e fshatrave të thella! Akset kombëtare të kalueshme por me zinxhirë! Në Durrës pezullohet lundrimi i trageteve

Moti i Keq/ Në Mirditë bora bllokon rrugët e fshatrave të thella! Akset kombëtare të kalueshme por me zinxhirë! Në Durrës pezullohet lundrimi i trageteve

12 Janar, 08:34