POP 5

Lajmet më të lexuara të 5 minutave të fundit

Ekonomi

Jo pagesa në euro në dyqane, restorante, farmaci e qendra tregtare! BSH për Report TV: Opsion edhe vendoja e një tavani për pagesat në monedhën evropiane

Përdorimi i euros për të blerë në dyqane, qendra tregtare apo për të paguar fatura restorantesh duhet të ndalohen në mënyrë kategorike. Kështu përgjigjet Banka e Shqipërisë në sqarimin zyrtar të dhënë për Report TV, pas deklaratës së fortë të guvernatorit Gent Sejko, për të ndaluar përdorimin e euros. Sipas Bankës, opsion është edhe vënia e një tavani për vlerën e pagesave që mund të lejohen në euro.

Tirane- Një kafe në lokal, një drekë në restorant, ushqime në market, medikamente në farmaci, veshje në qendra tregtare e deri tek blerje pasurish në shuma të mëdha, mund të paguhen në monedhën evropiane, pa pasur asnjë kufizim. Edhe pse ende nuk ka një draft konkret, propozimi i parë për të ndaluar në mënyrë kategorike pagesat në euro brenda vendit, është bërë nga guvernatori i Bankës së Shqipërisë Gent Sejko në fund të korrikut nga foltorja e Kuvendit.

Në një përgjigje zyrtare për Report TV, Banka e Shqipërisë thotë se synimi është ndalimi veçanërisht i transaksioneve të brendshme individ-individ, individ-biznes apo biznes-biznes, për blerje me pakicë dhe në vlerë të vogël ku pagesa në euro është e panevojshme.

“Këto masa duhet të lidhen kryesisht me transaksionet me pakicë dhe në vlerë të vogël që kryhen midis subjekteve ekonomike. Të tilla p.sh. mund të jenë ato të shitblerjes në dyqane apo qendra tregtare, apo shlyerjet e faturave mes individëve dhe/ose bizneseve për shërbime në vlera të vogla”, thotë Banka e Shqipërisë.

Por a do të ishte zgjidhje kufizimi i pagesave në euro duke caktuar një tavan? Edhe ky është një opsion thotë Banka për Report TV.

“Ky është natyrisht një opsion. Megjithatë, më tepër se kufizime sasiore, në gjykimin tonë, një reformë e mundshme në këtë drejtim, duhet të adresojë përdorimin e panevojshëm të euros si instrument pagese në transaksione të brendshme, dhe në veçanti në ato të blerjeve të vogla”, përgjigjet Banka e Shqipërisë.

E pyetur mbi pranimin gjerësisht të euros duke qenë se vendi është në proces integrimi në BE, banka thotë se adaptimi nuk është domosdoshmëri, pasi ka vende në BE që mbajnë monedhën e tyre kombëtare. Monedha evropiane ndodhet në ditët më të zeza, e me vlerën më të ulët të këmbimit në tregun valutor shqiptar. Sot po këmbehet me 99.8 lekë, aq sa edhe të martën, vlerat më të ulëta historike. Banka e Shqipërisë i qëndron deklaratës së saj që euro po zhvlerësohet nga fluksi i lartë i valutës në treg ndikuar nga sezoni turistik por edhe nga përdorimi masiv i monedhës evropiane në ekonominë shqiptare.

K.T./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tan tirona: 14/08/2024 18:02

    mjafton të paguajnë me karta.por jo me ato komisione që të pijnë gjakun

    Përgjigju
  • Sondazhi i ditës:

    Ngjarja në Pogradec, jeni dakord me akuzën si vrasje nga pakujdesia?

Lajme të tjera



×

Lajmi i fundit

OKB dënon shtypjen në Venezuelë dhe mungesën e transparencës

OKB dënon shtypjen në Venezuelë dhe mungesën e transparencës

14 Gusht, 19:12