Joe DioGuardi: Thaçi dhe Daçiç
nuk e meritojnë Nobelin për Paqe

NJU JORK - Ka reaguar Joe DioGuardi, kryetar i Ligës Shqiptaro-Amerikane kundër nominimit të Kryeministrit të Kosovës, Hashim Thaçi dhe homologut të tij serb, Ivica Daçiç për çmimin Nobel për Paqe.

 “Absolutisht jo, një kandidim të tillë nuk e meritojnë, sepse dihet se kujt i ndahet Çmimi Nobel, atyre personaliteve, intelektualëve për paqe në botë, e fatkeqesisht këtë ende nuk e kemi në Veri të Kosovës e aq më tepër në Serbi  (Luginën e Preshevës )..”, ka deklaruar për agjencinë e lajmeve “Presheva jonë” Joe DioGuardi, kryetar i Ligës Shqiptaro-Amerikane.

Ky reagim pas një shkrimi në gazetën e njohur amerikane, “NY Times”, që  përgatiti një profil për kryeministrin e Kosovës, Hashim Thaçi, të titulluar “Thaçi aspiron të bëhet burrë shteti, por e përndjek e kaluara e tij”. Edhe diplomatët perëndimore thonë se ai ka qenë një udhëheqës i pamëshirshëm i UÇK-së, që urdhëronte arrestime, vrasje dhe përndiqte rivalët e tij”.

Shumica e tyre thonë se shefi i qeverisë së Kosovës, pavarësisht problemeve të shumta në Kosovë dhe zhgënjimit të popullsisë shqiptare për zhvillimet në Veri të vendit dhe Luginën e Preshevës, në politikën e jashtme është cilësuar si «faktor stabiliteti».

Ndryshe nga këta analistë, ish-kongresmeni amerikan Joe DioGuardi është shprehur  se stabiliet e as paqe nuk ka aktualisht as në Veri e as në Luginën e Preshevës përderisa atje po zhvillohet segregacion dhe politikë diskriminuese ndaj shqiptarëve etnikë.

Redaksia Online
(mag/shqiptarja.com)