Pasi shpallën fejesën e tyre në vitin 2012, Angelina Jolie dhe Brad Pitt janë diskutuar shumë për martesën e tyre.

Por duket se ata kanë vendosur ta mbajnë sekret çdo gjë dhe nuk dëshirojnë të flasin në lidhje me këtë temë.

Të dy yjet e ekranit janë pyetur nga gazetarët gjatë eventit  “Film Independent Spirit Awards” ditën e shtunë në lidhje me këtë gjë, por ata nuk kanë zbuluar asgjë.

Një reporter e pyeti Jolie: -“ Mund të më tregoni se kur do të martoheni ju dhe Brad në Paris?”.

Jolie është përgjigjur:- “Më falni po nuk mundem”, ndërkohë që ka vazhduar të përshëndesë fansat me edukatë.


angelina jolie, brad pitt

Një tjetër gazetar i bëri të njëjtën pyetje Brad, i cili u përgjigj duke vënë njërin gisht në buzë si të thoshte “është sekret”.

Jolie dhe Pitt më parë kanë nxitur spekulime se janë martuar në fshehtësi, pasi Angelina u shfaq në publik me një unazë ari në gishtin e martesës.

Por kjo gjë nuk është konfirmuar asnjëherë nga ana e tyre.

(b.tusha/shqiptarja.com)