POP 5

Lajmet më të lexuara të 5 minutave të fundit

Sport

Joviç shpëton Milanin, vetëm barazim 2-2 ndaj Salernitanës! Lazio e Fiorentina nuk gabojnë, City fiton Botërorin e Klubeve

Milani nuk shkoi më shumë se barazimi 2-2 ndaj Salernitanës në sfidën e javës së 17-të të Serisë A. Serbi Luka Jovic shpëtoi kuqezinjtë ndërsa fituan Lazio e Fiorentina. Sot Interi kryesues do kërkojë fitoren e radhës ndaj Leçes ndërsa Manchester City ka fituar Botërorin e Klubeve

Milani nuk shkoi më shumë se barazimi 2-2 në ndeshjen e javës së 17-të të Serie A ndaj Salernitanës. Kuqezinjtë humbasin mundësinë për t’iu afruar dyshes kryesuese. Djemtë e Piolit kaluan në avantazh me golin e Tomorit por Salernitana e përmbysi rezultatin me golat e Fazio e Candreva. Serbi Luka Jovic do të shpëtonte Milanin nga humbja duke barazuar në fundin e ndeshjes. Kuqezinjtë forcojnë pozitat në vendin e tretë ndërsa Salernitana mbetet e fundit.

Lazio u rikthye tek fitorja duke mundur 2-0 Empolin në stadiumin Castellani. Bardhekaltërit shënuan  nga një gol për çdo pjesë me Guendouzi e Zaccagni. Berisha e Ismajli tek Empoli e Hysaj tek Lazio nuk u aktivizuan për asnjë minutë.

Fiorentina mundi 1-0 Monzën në transfertë dhe merr përkohësisht vendin e katërt duke kapur zonën Champions. Sot Interi pret tre pikët ndaj Lecce-s ndërsa në mbrëmje luhet Roma-Napoli.

Në Premier League Aston Villa frenon pas tre fitoreve radhazi. Villa barazoi 1-1 ndaj Sheffield dhe merr vendin e dytë në renditje në pritje të supersfidës së sotme Liverpool-Arsenal që nis në 18:30.

Ndërsa Manchester City ka fituar Botërorin e Klubeve. Djemtë e Pep Guardiolës e bënë gjithçka të lehtë ndaj Fluminenses duke fituar 4-0 finalen. Dygolësh realizoi Julian Alvarez, një herë e tundi rrjetën Foden e një herë brazilianët shënuan në portën e tyre. City e fiton për herë të parë Botërorin e Klubeve ndërsa për Guardiolën ky ishte trofeu numër 37-të në karrierë.

*Përgatiti Andi Kapxhiu

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Do keni ndjesinë se diçka mungon, por në realitet gjithçka po shkon mirë, horoskopi për sot

Do keni ndjesinë se diçka mungon, por në realitet gjithçka po shkon mirë, horoskopi për sot

23 Dhjetor, 07:07