Jul Deda dhe Bes Kallaku humor edhe
në sfidat e "ALS IceBucketChallenge"

Aktorët e humorit Julian Deda dhe Besart Kallaku i janë përgjigjur sfidave të miqve të tyre për të kaluar provën e akullit por edhe sprovat kanë preferuar t’i kalojnë me humor. Aktori i “Apartamentit 2xl”, Julian Deda në një video të postuar në profilin e tij në Facebook i është përgjigjur pozitivisht ftesës së shumë miqëve që e kishin nominuar.
 

Juli ka nominuar për të kaluar provën e “kovës me akull” babain e tij, Zef Dedën, ambasadorin Amerikan Alexandër Arvizu dhe deputetët Tom Doshi dhe Gert Bogdani. Por në fund kur të gjithë prisnin procesin e lagies, nga kova e Julit ka rënë vetëm një kub akulli. Megjithatë aktori i humorit e ka bërë reagimin e tij njësoj sikur të ishte lagur vërtetë.

Ndërkohë që me të njëjtin sens humori e ka realizuar sprovën e ujit me akull edhe aktori i Portokallisë Besart Kallaku. I veshur me mjetet e një zhytësi dhe komardare Besi ka prezantuar nominimet e tij të cilat kanë qenë Lefter Koka, Taulant Balla dhe deputeti Nard Ndoka të cilin, aktori e ka quajtur “legjendë”. Në përfundim të nominimeve, Besit i është hedhur vetëm një gotë ujë. I ndjerë në “faj” aktori i Portokallisë e ka përmbushur vetë sprovën e “Ice Bucket Challenge”duke u hedhur në pishinë.

Shkrimi u botua në numrin e sotëm të gazetës "Shqiptarja.com", versioni print

Redaksia Online
(xh.k/shqiptarja.com)