Kanë kaluar më shumë se 45 vjet që nga koha kur Justina Aliaj nuk është prezantuar para audiencës, si pasojë e ndëshkimit bashkë me disa kolegë të Festivalit të 11-të të këngës në Radiotelevizion shqiptar në kohën e komunizmit. Drejtuesit e festivalit dhe artistët u quajtën shkaktarët kryesorë të përhapjes së "tendencave të huaja në fushën e artit". Artisten e njohur Justina Aliaj e larguan nga skena për të punuar në prodhim.
Ajo i rrëfen me fjalë të thjeshta emocionet e saj mbi këtë ringjitje në skenë. “Isha dikur në atë skenë ku shihej publiku me veshje gri, ose bardh e zi, ku shpesh visheshim duke marrë borxh. Tani hap sytë dhe shoh plot ngjyra dhe dritë. Ju faleminderit”, tha e mallëngjyer artistja.
Artistja e njohur e muzikës dhe skenës shqiptare Justina Aliaj ka kënduar këngën e censuruar të festivalit të 11-të “Në ekranin e televizorit”, Jehonen e kengëve rinore bashkë me potpurinë e këngëve më të njohura shkodrane.
Redaksia Online
Al.N/Shqiptarja.com