Juventus cinik në derbi, fiton
​1:0 dhe merr kreun provizorisht

As Torino, që luante si pritës, nuk ka arritur të ndalë Juventus-in në kampionat. Kampionët në fuqi të Italisë janë treguar cinikë në derbi, duke fituar me një gol, por që vlen shumë në renditje, pasi bardhezinjtë kanë marrë kreun provizorisht, në pritje të ndeshjes së Napolit, që ndeshet me SPAL.

Ndeshjen e vendosi goli i Alex Sandro në minutën e 33-të. Në fakt, fitorja duhej të ishte më e thellë për Juventus, që edhe pse luanin si miq në derbi, kanë pasur raste më shumë se Torino.

Allegri dhe ekipi i tij çlirohet edhe psikologjikisht me këtë sukses pas barazimit 2-2 në Champions me Tottenham.