POP 5

Lajmet më të lexuara të 5 minutave të fundit

Sport

Juventus fitore karakteri me Lazio-n, Barcelona s'e fal Osassuna-n! Bayern leksione futbolli Dortmund-it (VIDEO)

Juventus ka treguar karakter në përballjen me Lazion, duke fituar 3-1 me përmbysje. Ndërkohë në Spanjë Barcelona ka marrë 3 pikët kundër Osasunas, ndërsa në Gjermani Bayern Mynih i ka dhënë leksione futbolli Borusia Dortmundit.

Juventus ka treguar karakter në javën e 25 të Seria A, duke mposhtur 3-1 me përmbysje Lazio-n. Në ‘Allianz Stadium’ ishin miqtë nga kryeqyteti ata që kaluan të parët në avantazh me Correa-n, por brenda pjesës së parë Rabiot barazoi shifrat me një të majtë potente.

Më tej në fraksionin e dytë të lojës, një ‘dopietë’ e Morata-s në harkun kohor të tre minutave sigloi tre pikëshin e baredhezinjve. Spanjolli fillimisht realizoi pas një asist të Cheisa-s, ndërsa më pas u tregua i saktë nga pika e bardhë e penalltisë. Kjo fitore, e cila vjen në kushte të pazakonta për shkak të mungesave të shumta, e mban skuadrën e Pirlos në garën për titull.

Ndërkohë në La Liga Barcelona ka marrë një fitore të pastër 0-2 kundër Osassuna-s. Skuadra katalanase zhbllokoi fillimisht me mbrojtësin Jordi Alba, ndërsa pak minuta nga fundi 18-vjeçari Moriba vrau shpresat e vendasve për pikë në këtë ndeshje.

Në Bundesligë supersfida mes Bayern Mynchen dhe Borussia Dortmund është mbyllur me shifrat 4-2. Për kampionët e Gjermanisë dhe të Europës përballja nisi në malore pasi Dortmund në minutën e 9 e pa vetën në avantazh të dyfishtë falë ‘dopietës’ së Halaand. Gjithsesi brenda fraksionit të parë të lojës Leëandoëski realizoi dy herë. Më tej rrjeta e Goretzka-s dhe goli tjetër i sulmuesit polak i dhanë Bayern Mynchen sërish kryesimin.

Pas 24 javësh kampionat skuadra e Flick udhëheq Bundësligën me 55 pikë, 2 më shumë se Leipzig i vendit të dytë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Shqipëria në mesin e 4 vendeve europiane me rënien më të lartë të fëmijëve

Shqipëria në mesin e 4 vendeve europiane me rënien më të lartë të fëmijëve

30 Janar, 08:12