Serie A e futbollit në Itali zhvilloi mbrëmjen e së mërkurës katër ndeshjet e shtyra për shkak të vdekjes së Papa Françeskut, të vlefshme për raundin e 33-të. Tri pikë për Fiorentinën, Lazion dhe Torinon, ndërsa Juventusi humbi 1-0 në Parma dhe rrezikon zonën Champions.

Në "Tardini" vendasit e Parmës mposhtën 1-0 Juventusin dhe vijojnë "traditën" duke treguar se janë një ekip që historikisht i kanë hapur telashe "Zonjës së Vjetër". Goli i vetëm i ndeshjes u shënua nga Mateo Pellegrino në sekondat e fundit të pjesës së parë (45+1'). Nja pasim nga Valeri u shfrytëzua nga shtatëlarti që mposhti Di Gregorion. Paçka se Igor Tudor provoi "artilerinë e rëndë", Juvja nuk mundi të barazonte dhe i jep trajnerit humbjen e parë në stolin bardhezi. 

Në "Luigi Ferraris" Genoa u mposht 0-2 nga Lazio. Sfida u zhbllokua pas 32 minutave lojë nga goli i Castellanos, ndërsa Dia në pjesën e dytë "vulosi" tri pikë për kryeqytetasit. Hysaj luajti vetëm pesë minuta në fundin e sfidës, teksa Lazios me 59 pikë (sa Juventusi) mban vendin e gjashtë.

Në "Unipol", Cagliari u përmbys 1-2 nga Fiorentina. Ishin vendasit që kaluan në avantazh pas shtatë minutash lojë me golin e Piccolit, ndërsa në pjesën e parë ekuilibrat i vendosi Gosens (36'). Duhej fillimi i fraksionit të dytë që Beltran të kalonte në epërsi miqtë nga Firenze, me golin që në fund shërbeu për tri pikë të vyera. 

Në "Olimpicon" e Torinos vendasit u imponuan dhe fituan 2-0 kundër Udineses. Adams në minutën e 39-të dhe Dembele në të 85 i dhanë tri pikë të arta "Demave". Nga ana tjetër Udinese gjen humbjen e pestë radhazi dhe sheh Torinon ta parakalojë në renditje. 

Me ndeshjet e së mërkurës Serie A mbyll raundin e 33-të, aty ku Interi dhe Napoli bashkëkryesojnë me 71 pikë.

Serie A, raundi 33:

E mërkurë, 23 prill 2025

Cagliari 1-2 Fiorentina

Genoa 0-2 Lazio

Parma 1-0 Juventus

Torino 2-0 Udinese

Renditja:

Rendit zhvillimet sipas orarit:
Ora 09:30
VIDEO/ Pesë disfata radhazi, Udinese humbet edhe në Torino

Në "Olimpicon" e Torinos vendasit u imponuan dhe fituan 2-0 kundër Udineses. Adams në minutën e 39-të dhe Dembele në të 85 i dhanë tri pikë të arta "Demave". Nga ana tjetër Udinese gjen humbjen e pestë radhazi dhe sheh Torinon ta parakalojë në renditje. Me 43 pikë ekipi "Granata" mban pozitën e dhjetë, ndërsa Udinese me tri pikë më pak vendin e 11-të.

S.Dh/Shqiptarja.com

Ora 09:28
VIDEO/ Fiorentina përmbys 1-2 Cagliarin dhe sheh nga Evropa

Në "Unipol", Cagliari u përmbys 1-2 nga Fiorentina. Ishin vendasit që kaluan në avantazh pas shtatë minutash lojë me golin e Piccolit, ndërsa në pjesën e parë ekuilibrat i vendosi Gosens (36'). Duhej fillimi i fraksionit të dytë që Beltran të kalonte në epërsi miqtë nga Firenze, me golin që në fund shërbeu për tri pikë të vyera. Me 56 pikë Fiore ngjitet në pozitën e tetë dhe është vetëm katër pikë larg vendit që të dërgon në Champions League.

S.Dh/Shqiptarja.com

Ora 09:27
VIDEO/ Lazio fiton 0-2 në Genoa dhe 'kërcënon' Juventusin

Në "Luigi Ferraris" Genoa u mposht 0-2 nga Lazio. Sfida u zhbllokua pas 32 minutave lojë nga goli i Castellanos, ndërsa Dia në pjesën e dytë "vulosi" tri pikë për kryeqytetasit. Hysaj luajti vetëm pesë minuta në fundin e sfidës, teksa Lazios me 59 pikë (sa Juventusi) mban vendin e gjashtë.

S.Dh/Shqiptarja.com

Ora 09:26
VIDEO/ Juventusi rrezikon zonën Champions, Parma e mposht 1-0

Në "Tardini" vendasit e Parmës mposhtën 1-0 Juventusin dhe vijojnë "traditën" duke treguar se janë një ekip që historikisht i kanë hapur telashe "Zonjës së Vjetër". Goli i vetëm i ndeshjes u shënua nga Mateo Pellegrino në sekondat e fundit të pjesës së parë (45+1'). Nja pasim nga Valeri u shfrytëzua nga shtatëlarti që mposhti Di Gregorion. Paçka se Igor Tudor provoi "artilerinë e rëndë", Juvja nuk mundi të barazonte dhe i jep trajnerit humbjen e parë në stolin bardhezi. Me 59 pikë Juventusi mban pozitën e pestë dhe rrezikon zonën Champions për edicionin e ri, ndërsa Parma gjen fitoren e parë pas katër barazimeve.

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 19 Maj, 20:20

    Berisha kalon për gjykim për dosjen Partizani, a do të ketë drejtësi?

Lajme të tjera