Juventusi presion ekipeve nga Milano, Manchester City nuk ndalet (VIDEO)

Juventusi vuan për një pjesë loje por më pas e mund Spezian 3-0 në ndeshjen hapëse të javës së 25-të në Serinë A që po luhet në mesjavë. Bardhezinjtë me 49 pikë konsolidojnë vendin e tretë dhe i bëjnë presion dy ekipeve të kreut Interit e Milanit. Trajneri Andrea Pirlo bën zëvendësimet e duhura në pjesën e dytë duke futur Moratën dhe Bernardeschin që “gatuajnë” golin e parë me spanjollin që shtyn topin në rrjetë në minutën e 62-të. Më pas vjen edhe goli nga Chiesa dhe në limite shënon Cristiano Ronaldo që arrin shifrën 767 gola dhe kap rekordin e legjendës Pele. Spezia mund ta shënonte një gol por Szczesny priti penalltinë e Galabinov.

Ndërkaq Manchester City-n nuk e ndal më askush. Djemtë e Pep Guardiolës mposhtën 4-1 Wolves në ndeshjen e parë të javës së 29-të në Premier League. 21 fitore radhazi për Cityn në të gjitha kompeticionet dhe 15 pikë më shumë se United e vendit të dytë. Një autogol, goli i Mahrez dhe dy golat e Gabriel Jesus vendosën fatin e takimit. Guardiola shkon i sigurt drejt titullit kampion. /Përgatiti Andi Kapxhiu

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Xabi Alonso drejt rinovimit, Liverpool hedh sytë te trajneri portugez

Xabi Alonso drejt rinovimit, Liverpool hedh sytë te trajneri portugez