Këngëtarja e njohur, Dua Lipa,
mbron me ligj emrin

Këngëtarja me prejardhje nga Kosova, Dua Lipa, e cila javën e kaluar u shpall këngëtarja më e mirë në Brit Awards, ka bërë kërkesë në Zyrën për Pronësi Intelektuale, që ta përdor emrin e saj për shitje të produkteve të ndryshme.
Sipas burimeve të tabloidit “The Sun”, Dua tani është duke shikuar mundësinë që të përfitojë nga suksesi i saj dhe të zgjerojë burimet e të ardhurave financiare.

“Dua ka pasur vit të suksesshëm, sidomos kur fitoi çmimin si artistja me Depërtimin më të mirë dhe Artistja më e mirë britanike, por ajo ka një turne për të fituar më shumë para”, ka thënë ky burim për “The Sun”, transmeton Koha.net.

“Lansimi i linjave të rrobave, parfumeve apo grimit do t’i krijonin asaj pasuri dhe janë marrë hapa që kjo të ndodhë. Ka fansa të rinj që e përcjellin në media sociale dhe e di se ka një treg për të kapur”, ka shtuar burimi.
Dokumentet që ka dorëzuar gjithashtu paralajmërojnë se ajo do të përdor emrin e saj për të promovuar muzikën e saj me incizimet digjitale.

a.m/Shqiptarja.com