VLORE – Drejtoria e Policisë së Qarkut Vlorë ka arrestuar sërish shtetasin Arben Purizio, 51 vjeç, në bazë të një vendimi të gjykatës që mban datën 9 maj pasi ai është shpallur në kërkim ndërkombëtar nga Interpol Roma.

Ndaj Purizios në Itali gjykata e Reggio Calabria-s ka lëshuar një urdhër arresti ndërkombëtar për veprat penale trafik të qënieve njerëzore, trafik të lëndëve narkotike dhe pjesëmarrje në organizata kriminale.

Purizio ishte arrestuar edhe më parë nga blutë e Vlorës, më 23 shkurt, por dy ditë më parë, më 8 maj, Gjykata e Apelit të Vlorës kishte urdhëruar lirimin e tij. Sot ai është vendosur përsëri në pranga.

(im/shqiptarja.com)