Një grup i përbërë nga 19 shoqata anti-doping shtetesh të ndryshme, kanë kërkuar përjashtimin e Rusisë nga marrja pjesë në kompeticionet ndërkombëtare sportive, deri në momentin që vendi do të tregojë se ka besueshmëri për të ndaluar incidentet të tjera të lidhura me dopingun.

Gjatë një samiti, pjesëtarët e këtij grupi shoqatash, të cilat u mblodhën në Dublin, kanë rekomanduar një numër të madh reformash të cilat lidhen kryesisht me Rusinë.

Ndërkohë që u kërkua një përjashtim i Rusisë nga të gjitha kompeticionet ndërkombëtare, u sugjerua se atletët rusë të mund të konkurronin si të pavarur.

Gjithashtu është kërkuar edhe anulimi i të gjithë aktiviteteve kryesore sportive të cilat janë planifikuar  për tu zhvilluar në Rusi.

Më shumë se 100 atlet rus janë përjashtuar nga olimpiada Rio 2016, pasi dolën pozitiv  në testet e anti-doping.  

Redaksia Online
D.T/Shqiptarja.com