‘Ka qenë këtu kur ka ngrënë dru’, Rama vlerëson kryebashkiakun e Himarës: Sot është një histori suksesi

 

Kryeministri Edi Rama në fjalën e tij në forumin për Menaxhimin e Integruar të Mbetjeve listoi sipas tij bashkitë të cilat kanë pasur rezulatete shumë të mira dhe përparime në sektorin e pastrimit të qytetit. Rama u ndal tek Himara, kryebashkiakun Jorgo Goro, të cilin pak kohë më parë e pati kritikuar për menaxhimin e pastrimit të qytetit. Sipas Ramës ai tashmë është një shembull suksesi.

‘Himara nuk e shoh kryetarin e bashkisë së Himarës se di a është këtu. Është një histori suksesi. Nuk do të mërzitesha pasi ka qenë këtu kur ka ngrënë dru. Por tani është shembull i një punë dhe histori suksesi tashmë. Është e rëndësishme të krijohet një raport pozitiv me të gjithë komponentët në territori. Pogradeci ka qenë një zonë për të ardhur keq, sot është një pasqyre pastërtie. Kamza shëmbëlltyra më dramatike  pisllëkut, sot është një pasqyrë pastërtie. Elbasani, falë impiantit të ndërtuar u hoq gjithë fusha mesjetare e plehrave dhe iku dhe reja e zezë e tymit, por edhe falë një organizimi dh e shtrirje të shërbimit në gjithë territorin e bashkisë. Por nuk janë të krahasueshme me Cërrikun dhe Sarandë. Cërriku ka ndërtuar një model i pastrimit të bashkisë. Ajo që ka bërë Cërriku është shumë domethënëse për arsye se tregon vizon dhe lidership.’- u shpreh Rama.

LEXO EDHE:
Një vend dedikuar artit dhe kreativitetit, hapet Qendra e Artit, Kulturës dhe Inovacionit në Korçë

Lajmi kryesor:

Menaxhimi i Mbetjeve, Rama: Para 2013 gjysmën e plehrave e kishim rrugëve, sot mbledhim 90%! Tanimë jo vetëm pastrim, por edhe riciklim (VIDEO)

M.Q./r.k./Shqiptarja.com

TAG:
• ministria e turizmit
• Mirela Kumbaro
• Peter Zingraf
• edi rama
• menaxhimi i mbetjeve