Mesazh në shishe dhe telefonata e fundit në det/ Dy zhdukje misterioze në Vlorë

Dy zhdukje misterioze që dyshohet se kanë lidhje me njëra-tjetrën kanë ndodhur në Vlorë ditët e fundit.

Fillimisht u raportua për zhdukjen e Santo Ymerajt, i cili kishte dalë në det me një motor uji dhe telefonoi familjen e tij pak para se celulari i tij të fikej dhe për të të mos kishte më ansjë gjurmë.

Por pas pesë ditësh kërkimesh për të, policia ka hasur edhe në një rast tjetër që mendohet se ka të bëjë me zhdukjen misterioze të një personi të dytë.

Policia ka zbuluar një varkë të braktisur në Zvërnec, e cile kishte një mesazh në shishe brenda.

Uniformat blu dyshojnë se dy ngjarjet mund të kenë lidhje me njëra-tjetrën.

Zhdukja e Ymerajt

Që prej dites se enjte një 32 vjeçar ka humbur në detin e Vlorës dhe për të nuk dihet më asgjë.

Santo Ymeraj ka qenë duke lundruar në det me një jet-ski, ose motor uji sikurse njihet ndryshe, rreth orës 22.00 të ditës se enjte.

Nuk ka informacione se ku do të shkonte dhe çfarë kishte në motorin e ujit 32-vjeçari, por sipas familjarëve kontakti i fundit i tij ka me ta ka qenë qenë në orën 01:30 të natës mes të enjtes dhe të premtes.

Në komunikimin me ata ai u ka thënë se ka shumë det dhe fryn erë e fortë dhe se nuk e dinte se në cilin drejtim e kishin çuar dallgët.

“Nuk shikoj asgjë, vetëm errësirë” – kishte thënë Imeraj dhe pak më vonë celulari i tij ishte fikur.

Menjëherë pas kësaj, është njoftuar policia e cila ka nisur kërkimin e 32-vjeçarit. Kërkimet kanë vijuar edhe sot në ditën e pestë, por nga 32-vjeçari nuk ka ansjë gjurmë.

Familjarët e tij u kanë bërë apel autoriteteve lokale që të bëjnë çështë e mundur për gjetjen e tij.

Për kërkimin e Ymerajt janë angazhuar Policia Kufitare, Delta Force, Policia e Vlorës, Guardia di Finanza italiane.

Në këtë operacion po përdoret edhe një helikopter.

Rendit zhvillimet sipas orarit:

Të Fundit Të Parat

//Shqiptarja.com

TAG:
• Vlore
• motor uji