Kadri Veseli thirret në Gjykatën Speciale në Hagë

Kryetari i Partisë Demokratike të Kosovës, Kadri Veseli, tha se është thirrur për t’u intervistuar në Dhomat e Specializuara në Hagë, që trajtojnë pretendimet për krime lufte dhe të pasluftës në Kosovë.

Veseli tha në një konferencë me gazetarë se në Hagë do të jetë më 4 dhjetor të këtij viti.

Ai tha se lufta e drejtë e popullit shqiptar për liri ka qenë e sulmuar vazhdimisht dhe që nga paslufta, ky është procesi i pestë i drejtësisë - të cilit i nënshtrohet kjo luftë.

Ai tha se në historinë e lëvizjeve çlirimtare nuk ka pasur një shembull të tillë, por edhe ky proces duhet të ketë një përfundim duke u bazuar në të vërtetën, faktet e drejtësinë, dhe që nuk e dëmton shtetin e Kosovës në pafundësi.

Ai shprehu bindjes së siç tha, edhe kjo gjykatë do ta vërtetojë luftën e drejtë të Ushtrisë Çlirimtare të Kosovës, por edhe që do t’i ndalë goditjet ndaj të vërtetës së popullit dhe kësaj ushtrie.

Veseli një nga udhëheqësit e ish Ushtrisë Çlirimtare të Kosovës dhe ish shefi i Shërbimit Informativ të Kosovës, është një nga zyrtarët më të lartë të thirrur për t’u paraqitur në Hagë, ku deri tash janë paraqitur mbi 100 ish pjesëtarë të Ushtrisë Çlirimtare të Kosovës.

I.C./B.K./Shqiptarja.com
Komento

Komente

  • www.youngtribune.com: 11/11/2019 11:24

    Respekte dhe mirenjohje per luftetare si Kadri Veseli qe luftuan per lirine e pavarsine e Kosoves. Shqiptaret solidarizohen me ju. Rradhen do e kene serbet qe me krimet e vrasjet qe bene kunder popullit kosovar te pambrojtur ishte nje spastrim etnik I paster. Nuk e di cfare provash don tjeter Haga per ato urime nga serbet.

    Përgjigju
  • Gege Kosova: 08/11/2019 10:09

    Kadriu tregoj mire e drejte, se UCK çlirimtarja e kesaj hapesire shqiptare, tash te pesten here del para "te drejtes dhe ligjit" per te deshmuar te pasten here se nuk eshte kriminale por çlirimtare.Krimet,jo vetem ndaj shqiptareve,por edhe ndaj kroateve e boshnjakeve e kane kryer deri ne gjenocid e pastrim etnik serbet,qeveria policia dhe ushtria serbe,Andaj nese kerkohet te ndeshkohet krimineli, te ndeshkohet krimi, ate duhet kerkuar ne driten me diell,jo te futeni ne "Erresire" per t'i hiku ndeshkimit te krimit.Shqiptaret kane vra vetem kriminelet e armatosur dhe te unifotrmuar serbe,Vrasja e kriminelit nuk eshtre krim, eshte pengim I krimit.

    Përgjigju
  • A...Zh: 07/11/2019 17:44

    Per djem si Kadri Veseli shqiptaret kane nje shprehje: "Nuk vritet per gjak".

    Përgjigju