Kajro, sulmohet gazetarja franceze
kolegu i saj e shpëton nga turma
Sonia Dridi, gazetare e kanalit francez France 24, është sulmuar mbrëmjen e së premtes në sheshin Tahrir në Kajro. Kohët e fundit, ka pasur dhjetëra dëshmitarë të sulmeve seksuale në sheshin Tahrir, të cilat nuk kanë marrë asnjë përgjigje nga autoritetet.
KAJRO - Sonia Dridi, gazetare e kanalit francez France 24 është sulmuar mbrëmjen e së premtes në sheshin Tahrir në Kajro, teksa ishte duke bërë lidhjen direkte në televizion. Një grup të rinjsh e kanë rrethuar gazetaren, kanë filluar ta prekin dhe janë përpjekur madje t’i heqin rrobat.
“E kuptova vetëm më vonë se çfarë po ndodhte, shprehet gazetarja, pashë këmishën time që ishte hapur por jo grisur. Evitova më të keqen falë rripit që mbaja veshur, si dhe nga ndihma e kolegut tim Ashraf Khalil”.
Të dy gazetarët janë futur në një fast-food në mënyrë që t’i largoheshin turmës, që dukej se nuk hiqnin dorë. "Turma, tha Khalil për Associated Press, na kishte pothuajse rrethuar dhe ishin rreth tridhjetë burra. Shumë duar përpiqeshin të arrinin Sonian. Ishte e vështirë të kuptohej se kush po e ndihmonte dhe kush po e sulmonte”. Gazetari gjithashtu raportoi vjedhjen e disa artikujve.
"Mendova se ishte një gjë e paramenduar dhe unë ndjeva një zemërim të madh, sepse kjo nuk është hera e parë që ndodh. U ka ndodhur edhe të tjerëve që unë njihja", tha Khalil.
Kohët e fundit, ka pasur dhjetëra dëshmitarë të sulmeve seksuale në sheshin Tahrir, të cilat nuk kanë marrë asnjë përgjigje nga autoritetet.
Në nëntor 2011 një tjetër gazetare franceze nga Franca 3 u sulmua gjatë një demonstrate në shesh. Para saj e njëjta gjë kishte ndodhur me një gazetar amerikan me origjinë egjiptiane.
Qershorin e kaluar, Amnesty International ka dënuar sulmet ndaj grave për t’i ndaluar ato nga pjesëmarrja publike. Organizata për drejtat e njeriut u kërkoi gjithashtu autoriteteve të hapin një hetim dhe të arrestojnë fajtorët.
Sonia është tashmë në një gjendje shoku. “Jam më shumë e trembur sesa e vrarë. Falënderoj Ashraf Khalil që më mbrojti”, shkruan ajo në faqen e saj Twitter.
Drejtuesit e France 24, në një deklaratë dënuan me forcë sulmet në mënyrë të përsëritur kundër gazetarëve, pasi atyre duhet t’u jepet mundësia të punojnë në çdo vend të botës.
(eç/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.5%
-
Jo
18.3%
-
Ndoshta
11.2%
Vota total: 973
Votat totale janë unike
Lajme të tjera
-
Miratohet draft-marrëveshja për ndërtimin e sheshit fundor të Bulevardit të Ri në Tiranë
22 Korrik, 23:01
-
Vuçiç: Perëndimi po përgatitet për konflikt direkt me Federatën Ruse
22 Korrik, 22:58
-
Kushtoi 10 milionë euro, Kylian Mbappe blen shtëpinë e Gareth Bale në Madrid! Pishina, fusha futbolli dhe golfi
22 Korrik, 22:54
-
FOTO e re/ Momenti kur Blushi e Valteri përplasen fizikisht në Këshillin Bashkiak
22 Korrik, 22:50
-
VIDEO/ Digjet banesa në Lazarat
22 Korrik, 22:34
-
'Çadra 30 euro më privon të ha drekën', ekspertja: Duhet turizëm i qëndrueshëm që gjeneron të ardhura për komunitetin
22 Korrik, 22:30
-
'Tipologji e re e turizmit në Shqipëri', eksperti: Vijnë shumë të rinj! Jo për plazhe por për ture, Gjirokastra nga më të preferuarit
22 Korrik, 22:13
-
Rusia dënon gazetaren e dytë amerikane në një proces gjyqësor sekret
22 Korrik, 22:08
-
UEFA dënon Egnatian dhe Vllazninë
22 Korrik, 22:04
-
Blushi qëlloi Valterin me grusht, Meta: E provokoi, qen bir qeni! Një horr që priste 3 orë të bënte foto me mua
22 Korrik, 22:00
-
PD dhe shoqëria civile protestë kundër ‘Rozafa Tower’ në Shkodër: Kulla s'asht Cool
22 Korrik, 21:50
-
'Pazari, zemra e turizmit në Gjirokastër', kryebashkiaku Flamur Golemi: Çmimet janë stabilizuar
22 Korrik, 21:47