POP 5

Lajmet më të lexuara të 5 minutave të fundit

Kronikë

Kakavijë, emigrantët në rradhë
për t’u kthyer në Shqipëri

Radhë të gjata janë shfaqur në fundjavë në Stacionin Kufitar të Kakavijës. Konfuzioni është shfaqur sidomos në territorin grek të pikës kufitare, ku radha në orët e para të mëngjesit mbërriti deri në 2 km.
KAKAVIJE - Radhë të gjata janë shfaqur në fundjavë në Stacionin Kufitar të Kakavijës. Konfuzioni është shfaqur sidomos në territorin grek të pikës kufitare, ku radha në orët e para të mëngjesit mbërriti deri në 2 km.

Kjo erdhi si pasojë e mungesës së numrit të mjaftueshëm të kontrollorëve helenë në sportelet e tyre. Vetëm një sportel ka funksionuar prej orës 01:00 të së dielës e deri në orën 06:00, çka ishte arsyeja e vetme që emigrantët kanë pritur për orë të tëra në Kakavijë për t’u kthyer në territorin shqiptar.

Autoritetet policore shqiptare të Kakavijës, kanë pohuar se kapacitetet për të menaxhuar situatën në anën shqiptare ishin të mjaftueshme por kjo qëndronte në varësi të intensitetit të punës nga ana e homologëve grekë.

Përgjatë 12 orëve të fundit në Shqipëri përmes Kakavijës kanë hyrë 4500 shtetas shqiptarë me banim të përkohshëm në Greqi, ndërkohë që kanë dalë rreth 2000 persona.

Pala shqiptare ka punuar me gjashtë sportele në hyrje të territorit të saj dhe tre në dalje, ndërsa u desh një kontakt mes drejtuesve të Kakavijës greke dhe asaj shqiptare që situata të normalizohej duke shtuar edhe dy sportelistë të tjerë në dalje të territorit grek.

Në mesditë, gjendja në Kakavije ishte tërësisht normale dhe emigrantët që kërkonin të vinin në Shqipëri nuk hasnin në asnjë pengesë të qëllimshme nga autoritetet greke.

Nuk është hera e parë që grekët krijojnë probleme artificiale në kalimin e lirshëm të emigrantëve që vijnë nga Greqia, në kohën e pikut sidomos për Krishtlindje, Vit të Ri, Pashkët Ortodokse dhe në periudhën e verës.

(pn/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31