Kakavijë/Testi i shpejtë e nxjerr pozitiv me COVID-19, ndërkohë që ishte konfirmuar negativ brenda 72 orëve! Pala greke kthen pas autobusin me 20 punëtorë sezonal

Një autobus tjetër me 20 punëtorë sezonal shqiptar është kthyer pas nga pala greke në pikën kufitare të Kakavijës, pasi njëri prej tyre rezultoi pozitiv me COVID-19. Shtetasi edhe pse kishte një test negativ të bërë në një laborator në qytetin e  Korçës, ka rezultuar pozitiv nga testi i shpejtë i bërë në kufi nga pala greke si pjesë e masave të shtuara anti-COVID.

20 punëtorë sezonalë kishin lidhur kontrata pune në zonën e Selanikut në Greqi, por që janë kthyer pas. Një ditë më parë edhe një autobus me 40 punëtorë sezonal u kthye pas pasi njëri prej tyre rezultoi me Covid-19 nga testi i shpejtë, ndërkohë që testi që kishte bërë në një laborator të specializuar në Tiranë, kishte rezultuar negativ. Testi me të cilën qytetarët paraqiten në kufi nuk duhet të jetë më i vjetër se 72 orë dhe deri më tani testi i shpejtë në kufi ka nxjerrë dy raste pozitive me COVID, edhe pse testi i parë ishte negativ.

Lajmi kryesor:

Kakavijë/Dy persona dolën pozitiv me COVID-19 në kufi edhe pse ishin me test negativ me vete! Pala greke kthen 2 autobusë me 60 punëtorë sezonal

TAG:
• greqi
• kakavije
• Koronavirus
• koronavirus ne shqiperi
• punetore sezonale