POP 5

Lajmet më të lexuara të 5 minutave të fundit

Sport

Kalendari i 'Seria A', ndeshje emocionuese që javën e parë. Ja kur do luhet derbi i Madoninës

Seria A që do të nisë me 25 gusht do jetë spektakolare që në javën e parë, të paktën sipas verdiktit të kalendarit që është përcaktuar të hënën në mbrëmje.

Kalendari i 'Seria A', ndeshje emocionuese që javën e parë. Ja kur do luhet derbi i Madoninës

Të hënën në mbrëmje ka marrë formë plotësisht sezoni i ri i ‘Seria A’, një nga kampionatet më të dashur për shqiptarët, por edhe në të gjithë botën. Në Milano është hedhur shorti i cili që në javën e parë ka përcaktuar ndeshje mjaft interesante. Më 25 gusht do të jetë sa për nxehmje sfida në Firence mes Fiorentinës dhe Napolit, ndërkohë që skuadra e Anchelotti-t do ta ketë pisk edhe në javën e dytë, pasi luan sërish në transfertë por këtë herë kundër Juventusit.

Gjithsesi kjo nuk do të jetë sfida e vetme për t’u parë me 1 shtator, pasi në ‘Olimpico’ luhet derbi më i ndjerë i futbollit mes Lazio-s dhe Romës. Sezonin e kaluar Roma fitoi 3-1 në fazën e parë, ndërsa në të dytën Lazio u hakmarrë duke fituar 3-0. Në javën e tretë Juventus sërish nuk do të ketë një impenjim të lehtë, pasi do të luajë kundër Firencës.

Në javën e katërt do të jetë sfida që të gjithë presin, derbi i Madoninës, mes Interit dhe Milanit. Zikaltërit e Conte-s do tentojnë ta nisin aty ku e la Spalletti, me të dy ndeshjet e fituara, por nga ana tjetër Milan kërkon të ndryshojë faqe, dhe për këtë po bën investime.

Përballjet interesante do vijojnë edhe në javën e pestë, me Interin që pret Lazio-n dhe Milanin që udhëton në Torino. Tifozët e futbollit Italian me pak fjalë do të ketë çfarë të shohin, sin ë stadium ashtu edhe në television.

‘Seria A’ nis me 25 gusht dhe përfundon me 24 maj, me një sfidë mjaft speciale si Roma-Juventus. Bardhezinjtë ashtu si në sezonet e fundit mbeten favoritë, ndërsa pas tyre vijnë Interi dhe Napoli.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13