Kontrolli i Lartë i Shtetit ka paditur në Prokurorinë e Tiranës drejtorin e Përgjithshëm të AKU, Bledar Skënderi. KLSH thotë se ka ushtruar kontroll në këtë institucion dhe ka dalë në përfundiminin se nuk është reaguar si duhet ndaj situatës së krijuar me alarmin e ngritur nga Bashkimi Europian për sasi 'oksid etileni' në disa akullore.
“Kontrolli i Lartë i Shtetit, duke marrë shkas nga problematika e trajtuar në disa media, për t'iu përgjigjur ndjeshmërisë së publikut dhe informimit të tij për çështjet që lidhen me garantimin e sigurisë ushqimore, ushtroi jashtë programit vjetor të miratuar, auditimin tematik në Drejtorinë e Përgjithshme të Autoritetit Kombëtar të Ushqimit me objekt: ”Mbi procedurën e ndjekur nga DPAKU nga marrja e njoftimit nëpërmjet sistemit RASFF (sistemi i njoftimit të shpejtë për ushqimin e popullatës dhe ushqimin për kafshë) për përdorimin e paautorizuar të substancës “oksid etileni” në prodhimin e produktit ”Akullore” (importuar dhe tregtuar në tregun shqiptar), deri në inspektimin, bllokimin, tërheqjen nga tregu dhe asgjësimin e saj”.
Nga auditimi i ushtruar, Kontrolli i Lartë i Shtetit ka evidentuar mosveprime të Drejtorit të Drejtorisë së Përgjithshme të Autoritetit Kombëtar të Ushqimit, të cilat janë në kundërshtim flagrant me ligjin dhe aktet nënligjore që rregullojnë veprimtarinë e institucionit të drejtuar prej tij. Për mosveprimet e Drejtorit të DPAKU, KLSH ka depozituar kallëzimin penal në Prokurorinë pranë Gjykatës së Shkallës së Parë Tiranë, për veprën penale “Shpërdorim detyre”, parashikuar në nenin 248 të Kodit Penal”, thuhet në njoftimin e KLSH.
Kujtojmë se në gusht të këtij vitit alarmi për prezencën e lëndëve kancerogjene në këto akullore të firmave të njohura është dhënë nga Komisioni Europian, ku Autoritetet e Kontrollit Ushqimor në Francë, Belgjikë, Serbi e Qipro i kanë ndaluar këto produkte të tregtohen. Nga analizat rezulton se disa seri të këtyre të akulloreve janë të kontaminuara me një lëndë kancerogjene, oksid i etilenit dhe janë ndaluar të tregtohen. Oksidi i etilenit, sipas ekspertëve ka aftësinë të dëmtojë ADN-në dhe të shkaktojë kancer. Përbërësi tejkalon nivelet e përcaktuara nga legjislacioni i Bashkimit Evropian.
Autoriteti Kombëtar i Ushqimit pati bërë një bilanc në fund në lidhje me akulloret e paketuara me lëndë kancerogjene të disa firmave të njohura, ku tha se totali i atyre akullore që kanë hyrë në vendin tonë kap sasinë prej më shumë se 16 ton dhe nga këto mbi 11 ton janë konsumuar nga qytetarët, ndërsa pjesa tjetër është asgjësuar. AKU tha se ka nisur kontrollet sapo mori njoftimin nga KE duke gjurmuar të gjithë subjektet që janë furnizuar me to.
Komente
Lajme të tjera
-
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
A do të sjellë 2025-ta një ndryshim të madh për udhëtarët në BE?
20 Nëntor, 09:32 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Raporti i Komisionit Evropian/ Ekonomia e Shqipërisë pritet të rritet me 3.8%! Në 2025-2026 do ketë ngadalësim! Investimet po përshpejtohen në gjysmën e dytë të vitit
15 Nëntor, 12:21 -
BE-ja gjobit kompaninë Meta me gati 800 milionë euro për praktika 'abuzive'
14 Nëntor, 16:12 -
A do ribashkohen Shqipëria dhe Maqedonia e Veriut në rrugën evropiane? Zëdhënësja e Komisionit Europian: Proces individual
31 Tetor, 20:15 -
Raporti i Progresit i BE-së: Gjeorgjia qortohet, entuziazmi për zgjerim zbehet
30 Tetor, 22:53 -
Raporti për Shqipërinë: Rekomandimet e KE-së në shumicën e rasteve janë zbatuar pjesërisht
30 Tetor, 21:51 -
Komisioni i Ekonomisë/ ‘Po sulmohem nga mediat’, Braçe: Do e qep gojën, se po thonë që kam ‘kap’ KLSH! Shehu: Vlerësojmë bashkëpunimin me ju për auditimet
29 Tetor, 12:00 -
Marrëdhëniet me Rusinë e Kinën, ndër pikat kryesore të Raportit të Progresit për Serbinë
28 Tetor, 18:26 -
Vuçiç takon Von der Leyen: Avokimi për një Serbi evropiane, shumë i rëndësishëm
25 Tetor, 19:48 -
Von der Leyen anulon takimin me kryeministrin serb, pasi ai takoi ministrin rus të shpallur ‘nongrata’
25 Tetor, 18:23
Ky Bledar Skender, shte nje cope mishi me dy sy, qe nuk din ku lidhet gomari, vetem u be i njohur, pasi ngerte doren para cdo vendimi te pa drejte nga KQZ,tani abuzon me helmin me te rrezikshm te akullores se skaduar, konsumuar mbi 11 ton janë konsumuar nga qytetarët eshte krim jo vetem i derjuesve te AKU, por gjithe strukturave ligjzbatuese!
PërgjigjuTe pakten o Bled te kesh shkyer borxhet e skedinave. Ky nje kumarxhi i thekur qe gjithe diten vetem skedina online luan e normal Qe sdo e kete mendjen ke puan
PërgjigjuTa ka thene mami yt qe luan skedina?!. Mashtrues ordinier, vetem te shpifni dini. Rrace e keqe.