Trajneri i Real Madrid, Carlo Ancelotti ka folur së fundmi për Marca. Italiani i "Galaktikëve" ka cekur edhe temën e lojtarit më të mirë në botë. Për trajnerin Messi nuk mund të meritojë një pozicion të tillë teksa ai ka parë të luajnë emra si Cruyff apo Maradona.
"Është e vështirë të thuhet. Messi bëri shumë mirë, ai është një lojtar i madh dhe karriera e tij vazhdon me një Kupë Bote të fituar. Më të mirët e historisë sinqerisht nuk e di. Nuk është e drejtë, çdo sezon ka dhe do të ketë lojtarë shumë të rëndësishëm. Nuk më del nga goja se ai është më i miri në histori. Kam parë shumë lojtarë të shkëlqyer, pashë Maradonën, Cruyff, çdo ditë trajnoj Topin e Artë [Benzema]… Nuk e di se kush është më i miri”, tha Ancelotti.