Shaip Kamberi, përfaqësues politik i shqiptarëve të Luginës së Preshevës, thotë se është zgjedhur deputet i Kuvendit të Serbisë, pas zgjedhjeve që u përsëritën të enjten në fshatin Tërnovc.
Kamberi e njoftoi këtë përmes një postimi në Facebook, ndonëse konfirmim nga Komisioni Republikan i Zgjedhjeve të Serbisë nuk ka.
"Me krejt politikën dhe veprimet penguese të (pu)shtetit, shqiptarët vendorë nuk mbeten pa deputet në parlamentin e ri të Serbisë. Kjo sot falë votuese të Tërnocit. Kjo në përgjithësi falë vullnetin të shqiptarëve të Luginës së Preshevës.
Kjo falë punës së palodhshme të aktivistëve dhe simpatizuesve, atyre të Koalicionit të Shqiptarëve të Luginës. Kjo falë përkrahjes së madhe nga kudo ku përqafohen vlerat e demokracisë liberale. Nga kudo ku flitet shqip.
Ju faleminderit të gjithëve nga zemra. Përgjegjësitë janë të mëdha. Problemet janë të shumta. Konteksti është i vështirë. Por me punë dhe unitet do t'ia dalim. Zotohem se do të jem deputet i të gjithëve. Zotohem se do t’i mbrojë interesat e qytetarëve që duan të drejta dhe mirëqenie. Interesat e shqiptarëve të shtypur dhe të diskriminuar.
Zotohem se do ta ndjek politikën e orientimeve pro-perëndimore, për paqe të qëndrueshme në rajon. Vazhdojmë bashkë! Për liri, për barazi, për demokraci", shkroi Kamberi.
Zgjedhjet parlamentare në Serbi janë mbajtur më 3 prill, por rezultatet nuk janë certifikuar ende. Kjo, për arsye të përsëritjes së votimeve në fshatin Tërnovc, si pasojë e disa parregullsive. Votimet e së enjtes kanë qenë përpjekja e pestë.
Votat e Tërnovcit kanë qenë përcaktuese për përfaqësimin e pakicës shqiptare - me një deputet - në Kuvendin e Serbisë. Në zgjedhjet e 3 prillit, shqiptarët e Luginës kanë garuar me dy lista - “Koalicioni i Shqiptarëve të Luginës”, i udhëhequr nga Shaip Kamberi, dhe “Alternativa për Ndryshim - Alternativa Demokratike Shqiptare”, e udhëhequr nga Shqiprim Arifi.
Në zgjedhjet e parafundit parlamentare në Serbi, në qershor të vitit 2020, partitë shqiptare kanë qenë në një koalicion dhe kanë fituar tri mandate parlamentare.
Kamberi ka qenë edhe në dy mandate të tjera deputet në Kuvendin e Serbisë./REL
Presidenti Ilir Meta e ka uruar Shaip Kamberin për fitoren e mandatit si deputet në Kuvendin e Serbisë duke theksuar se do të jetë një zë i fuqishëm për të drejtat e shqiptarëve të Luginës së Preshevës.
"Urime Shaip Kamberit për fitoren e mandatit të deputetit në Kuvendin e Serbisë. Besimplotë se do të jetë një zë i fuqishëm dhe përfaqësues në mbrojtje të të drejtave të shqiptarëve të Luginës së Preshevës", tha Kamberi.
Lajme të tjera
-
Debat në OKB: Gjenocidi në Srebrenicë të dënohet globalisht
19 Prill, 19:57 -
Vuçiç e quan 'hipokrit' reagimin e ndërkombëtarëve për ndalimin e qytetarëve të Kosovës
19 Prill, 15:32 -
Serbia ndaloi policët e Kosovës, gazetari Isufi: Janë marrë në pyetje nga agjentët serbë! Stërvitja kërcënim
19 Prill, 14:08 -
Serbia ndalon një kosovar nën dyshime për krime lufte
19 Prill, 13:43 -
Sot një nga stërvitjet më të mëdha të ushtrisë serbe, testohen dronë kamikazë! Kurti: Kërcënim
19 Prill, 08:37 -
U ndalua në Serbi, lirohet zëvendësdrejtori i Policisë së Kosovës
18 Prill, 22:20 -
Shpalosi flamurin shqiptar me rastin e festave të Nëntorit, Serbia dënon me gjobë kreun e Komunës së Preshevës
18 Prill, 22:07 -
Ekspertët: Qytetarët dhe policët e Kosovës nuk u ndaluan në kufirin serb, por u rrëmbyen! Veprimi hakmarrës ndesh me marrëveshjet! Beogradi bëri autogol
18 Prill, 18:58 -
DASH: Ndalimet arbitrare të qytetarëve dhe policëve të Kosovës, veprime përshkallëzuese
18 Prill, 18:12 -
Bruksel, dështim i ri në bisedimet për dinarin serb! Prishtina e Beogradi fajësojnë njëra tjetrën
18 Prill, 17:28 -
Osmani: Pesë policë të Kosovës po mbahen peng nga Serbia
18 Prill, 10:54 -
Kosova akuzon Serbinë se ka ndaluar 10 nga pjesëtarët e policisë së saj
18 Prill, 07:15
