POP 5

Lajmet më të lexuara të 5 minutave të fundit

Sociale

Kamionët u rrezikojnë jetën dhe u kalojnë pranë shtëpive, banorët në Mamurras në protestë: Lirojmë rrugën kur bashkia të gjejë zgjidhje

Banorët e lagjes “Demokracia” në Mamurras protestuan për të tretën herë kundër mjeteve të tonazhit të rëndë që u kalojnë pranë shtëpive. Ata thonë se u kërcënohet jeta, ndaj kanë vendosur që të mos e lirojnë rrugën deri sa bashkia të gjejë një zgjidhje

Prej katër vitesh banorët e lagjes “Demokracia” në Mamurras ndihen të kërcënuar për shkak të qarkullimit të vazhdueshëm të mjeteve të tonazhit të rëndë që marrin inerte në kodrën e qytetit. Të ndodhur në këto kushte ato janë ngritur në protestë për të tretën herë radhazi.

“Këtu është bërë jeta e padurueshme. Nuk mund të jetohet në pluhur. Nuk mund të jetohet në këtë tronditje. Vjen trajleri me 40 ton në këtë rrugë që nuk është për këtë kategori makinash”, tha një banor.

“Na kanë shemb shtëpitë. Është shtëpia e çarë komplet prej kamionëve”, tha një tjetër.

“Nuk kalojmë dot prej baltës dhe ujit”, tregoi një tjetër.

“Shtëpitë na i nxorën jashtë përdorimit. Nuk bëjmë gjumë as natë, as ditë, në asnjë moment”, tha një tjetër.

Që në protestat e shkuara bashkia u ka premtuar zgjedhje të shpejtë të situatës, por kjo nuk ka ndodhur. Të vendosur, banorët paralajmërojnë se do të vazhdojnë ta mbajnë rrugën të bllokuar deri sa në rrugë të mos qarkullojë më asnjë kamion.

“Ne na ka 24 orë non-stop këtu”, tha një banor.

“Duke filluar nga sot nuk ka asnjë marrëveshje me ne. Deri në këtë moment vetëm na kanë mashtruar. Natë ditë, do ta ndajmë me turne dhe nuk do të kalojnë më makineri të tonazhit të lartë. Nuk është rrugë nacionale që të kalojnë kamion”, tha një tjetër.

Ky segment rrugor, nga Droja në drejtim të aksit nacional Mamurras-Tiranë përdoret çdo ditë nga mjetet e tonazhit të rëndë të 13 kompanive ndërtimi.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46