Në pranga ka rënë Genti Muceku, 20 vjeç, banues në Tiranë dhe është shpallur në kërkim 22-vjeçari maqedonas D. U.
Dy të rinjtë janë paraqitur në Pikën e Kalimit Kufitar Qafë-Thanë, me mjetin tip “Ford” me targa AA 296 IK, me drejtues shtetasin Genti Muceku.
Pas dyshimeve të policisë, i është urdhëruar Mucekut të kalojë në vijën e dytë për kontrroll, por dy të rinjtë nuk i kanë ndaluar thirrjes së policisë dhe janë larguar në drejtim të aksit Qafë Thanë-Prrenjas.
Pas ndjekjes nga Policia mjeti i tyre u gjet i braktisur, dhe pas kontrolleve u gjetën dhe sekuestruan 6 pako me lëndë narkotike Cannabis Sativa me peshë 6.3 Kg.
Materialet i kaluan Prokurorisë për Krimet e Rënda në Tiranë.
A.D/Shqiptarja.com
![](https://www.shqiptarja.com/template/img/sh_logo1.png)