Kancelari Sebastian Kurz: Austria ka hyrë në valën e dytë të Covid-19

Austria ka hyrë në valën e dytë të infektimeve me koronavirus, deklaroi sot kancelari Sebastian Kurz, ndërkohë që numri i rasteve pozitive sa vjen dhe rritet. 

Nga e premtja në të shtunën, ky vend me nëntë milionë banorë ka regjistruar rreth 870 raste të reja, më shumë se gjysma e të cilave në kryeqytet.

LEXO EDHE:
Sylvinho përgatitet për Botërorin, merr rreze në vendlindje

Austria numëron 33 000 raste dhe 750 të vdekur që prej fillimit të pandemisë.

“Ne jemi në fillim të valës së dytë”, deklaroi Sebastian Kurz në një komunikatë duke paralajmëruar se vendi së shpejti do të tejkalojë 1 000 raste të reja në ditë dhe duke i bërë thirrje popullatës që t’i përmbahet rreptësisht masave anti-virus dhe të reduktojë kontaktet sa më shumë që të jetë e mundur.

Ai njoftoi një ashpërsim të masave duke përfshirë mbajtjen e maskave dhe grumbullimet publike, për të ulur kurbën.

Duke nisur nga e hëna, maskat, që deri tani ishin të detyrueshme në supermarkete dhe në transportin publik, do të jenë tashmë në të gjitha dyqanet dhe ndërtesat publike.

Kurz paralajmëroi se nëse numri i rasteve do të vazhdojë të rritet, ai nuk përjashtonte masa të reja, por shprehu shpresën për të shmangur një kufizim të dytë.

TAG:
• SHBA
• Brazil
• Indi
• Koronavirus
• pandemi

Sondazhi i ditës:

Si ka qene per ju viti 2024?

• I mire

  44%

• I keq

  22.8%

• As i mire as i keq

  33.2%

Vota total: 1511

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq