Kandidati i PD për Rrogozhinën dhe drejtuesi i shtabit në Durrës sulmojnë Dumën: S'erdhe njëherë për fushatë, por vetëm për foto

Kandidati i PD për bashkinë Rrogozhinë, Ferdinand Saraçi i cili doli i dyti në renditje pas PS, tha se përgjegjësinë e humbje e ka vetë dhe jo Basha. Ai madje bëri me edhe deputetët e  PD, ku asnjëri nuk i qëndroi në krahë gjatë fushatës, por vinin aty sa për foto dhe ikin. Gjatë mbledhjes që po zhvillohet me dyer të mbyllura në selinë blu, Saraçi tha se PD kishte përballë qeverinë dhe foltoren dhe se në Rrogozhinë kishte shitblerje të votave.

"Kishim përballë edhe qeverinë edhe Foltoren. PS e Foltorja patën të deleguar që ndanin para. Ju më dërguat disa deputetë,  por vetëm Dash Sula ka qenë në krah. Pati shitblerje të votës. Kanë pare e pushtet. Foltorja e dinte se nuk kishte shanse por vazhdoi me shantazhe e blerje votash. Nuk ke faj ti që humba Rrogozhinën, mbaj përgjegjësi vetë dhe duhet të jetë përgjegjësi edhe e deputetëve që ishin. Kërkojë llogari deputetët që nuk vinin për fushatë po për foto", tha Saraçi.

Edhe  Rezart Kthupi, drejtues shtabi i PD Durrës ka sulmuar Grida Dumën, e cila një ditë më parë kërkoi dorëheqjen e Lulzim Bashës. Sipas tij, Duma u delegua me shumë pushtet në Durrës, por ajo vinte një herë në tre ditë.

 “Të deleguarit kanë punuar sikur fushata ishte 3 muaj. Duhet t’ju them që ishim vetëm. Ju si kryetar partie, sollët si të deleguar me shumë pushtet zonjën Duma, që e degjova dje me shumë interes ku kërkonte dorëheqjen tuaj. E dërguara politike zonja Duma ka ardhur një herë në 3 ditë. Publikoi foto pa kandidatin. Organizoi takim me gratë dhe u anashkalua  takimi për një qokë familjare. Në numërimin e votave prania e deputetëve ishte zero. Në vend që të kërkonte dorëheqjen tuaj duhet të vinte në procesin e numërimit drejtuesja politike dhe deputetët. Kanë qenë vetëm strukturat e PD Durrës. Duhet tju them qe ishim vetem. Me përjashtim të zotit Hoxha, pjesa tjetër nuk kanë qenë shumë afër. Duhet të ndryshojmë rrënjësisht funksionimin në bazë. Duhet strukturë e vogël por efiçente”, tha Kthupi

Lajmi kryesor:

Deputetët i kërkuan dorëheqjen Bashës, i dalin në mbrojtje krerët e degëve: S'është faji yt, humbja përgjegjësi e jona dhe e deputetëve që s'bënë fushatë, por vinin për foto (Debati i plotë)

/M.Q./Shqiptarja.com

TAG:
• lulzim basha
• zgjedhjet 6 mars 2022
• PD