Kandidati i Partisë Demokratike për Tiranën, Roland Bejko thotë se i është kërkuar që të tërhiqet nga gara si kandidat për bashkinë e Tiranës për zgjedhjet vendore të 14 majit. Në emisionin ‘Kontrast’ në Report Tv me Bejko u shpreh se kërkesa për tërheqje nga gara ka qenë miqësore dhe me arsyetimin që mos të ndahet vota e djathtë. Sipas Bejkos në mbledhjen e Këshillit Kombëtar, Berisha i ka kërcënuar kandidatët duke u thënë se do të dalin me siglën e PD-së do të zëvendësohen menjëherë.
‘Kam pasur takime dhe oferta por kanë qenë miqësore. Më kanë thënë shikoj dhe një herë se po ndajmë votën e djathtë. Kam thënë tani që erdhi rasti që ne u bëjmë ofertën të dalim të përbashkët, thuaj se kam interes të fitoj Tiranën. Berisha i ka kërcënuar ku u ka thënë se ato kandidatë që do të dalin me siglën e Alibashës do tu zëvendësoj menjëherë dhe në këtë u moment disa u tërhoqën.’- tha Bejko.
Bejko tha se qytetarët tashmë e kanë kuptuar se me Berishën dhe me Metën opozita nuk ka të ardhme. Bejko u shpreh se partia nuk mundet që të sundohet nga një person, qoftë edhe më i ndritur ai.
‘Kur je në politike, duhet të mos u shmangesh betejave. Unë jam i këtij stili që duhet të jem në betejë. Berisha mendon se do të mjaftonte vetëm militantët që të marrë në dorë partinë. Dhe unë jam nisur në mënyrë skeptike, kur mora mandatin, mirëpo sot që jam në terren, kam takuar njerëz në rrugë dhe jam i befasuar. Vota që do të vijë tek unë do të jetë votë racionale dhe do të jetë votë e arsyes. Nuk mund të sundohet partia qoftë edhe nga një individ i ndritur. Ka ndryshuar për keq situata në PD-së pas 6 marsit, pasi u thelua edhe më tej Berisha pasi u shpall non grata nga PD. Kjo parti është përçarë edhe më shumë, nga Berisha, i cili premtoi se do të bashkonte partinë. Qytetarët kanë kuptuar se me Berishën dhe Metën nuk ka të ardhme opozita. Një i djathtë nuk e çon votën te Ilir Meta. PD ka humbur busullën dhe shyqyr zotit që jemi ndarë nga Berisha dhe do të ndërtojmë një parti të djathtë.’- tha Bejko.
Për analistin Lorenc Vangjeli, kandidimi i Roland Bejkos është një lajm shumë i mirë. Sipas Vangjelit, Bejko ka një fitore morale të garantuar.
‘Si pakicë ajo që përfaqëson Bejko, është se me Berishën opozita ka shanse të shuara që të mbetet në opozitë dhe për të mos shndërruar atë që është qëllimi kryesor që të vijë në pushtet. Bejko hyn me një kartë fituese. Rezultati pastaj është tjetër gjë. Pavarësisht se do të duhet ta kishin betejën e tyre, nxorën në garë Bejko. Bejko ishte alibia për të fshehur pafuqinë dhe mungesën e aktit dhe sakrificës për partinë e tij. Më 15 maj cilido të jetë rezultati Bejko ka një fitore morale të garantuar që në këtë moment.’- tha Vangjeli.
Kandidatja e PDIU-së për kryetare bashkie në Tiranë, Lajla Përnaska në një intervistë për emisionin ‘Kontrast’ në Report Tv u shpreh se në Shqipëri mungojnë politikanë që duan të bëjnë beteja. Kjo sipas Përnaskës vjen për shkak të deformimit të indetitetit të deputetëve si pasojë e listave të mbullura.
‘Edhe unë pata personalisht një pritshmëri të lartë që opozita të gjente vullnetin të dilte me një kandidat. Është specifika e krizës më të cilën ndodhet opozita sot e cila ka sjellë një realitet shumë më specifik nga garat paraardhëse që janë bërë edhe për pushtetin lokal. Në klasën politike në Shqipëri mungojnë politikanët që duan të bëjnë beteja. Janë listat e mbyllura që e deformuan krejtësisht identitetin e deputetëve.
Deputetë nuk kanë këllqe të dalin. Bëjnë llogaritë e interesit personal për mandatin e radhës. Ky sistem, kaq i kalbur që prodhoi në kaq raunde zgjedhore që e denigroi totalisht politikanin që e shkëputi nga zgjedhësit duhet të ndryshojë. Tirana do për kryetar një njeri që e do Tiranën. Unë do ta çliroj bashkinë e Tiranës nga militantizimi.’- tha Përnaska.
Komente
Lajme të tjera
-
Tiranë/ Ishte në kërkim, 21 vjeçari arrestohet afër stadiumit 'Dinamo'
5 Nëntor, 10:10 -
Tiranë/ E kishte marr me qira, i vendoset eksploziv godinës së personazhit të TikTok Kozak Braçi
5 Nëntor, 09:55 -
Tiranë, babai godet me grusht vajzën e mitur, arrestohet! I vihet eksploziv godinës boshe në rugën dytësore 'Tiranë-Vorë'
5 Nëntor, 09:27 -
Kryepiskopi Anastas feston 95-vjetorin, merr urime të shumta nga personalitete të shtetit shqiptar dhe krerë të kishave Orthodhokse simotra
4 Nëntor, 17:48 -
Ilir Daja: S'ka ndeshje të lehta, nostalgjik për tifozët e Elbasanit
3 Nëntor, 21:14 -
B40/ Veliaj me të rinj nga rajoni: Tirana si Kryeqyteti Mesdhetar i Kulturës, një mundësi për të treguar vlerat kulturore
3 Nëntor, 14:47 -
Drejtori i Policisë, Proda takohet me të Ngarkuarin me Punë të Ambasadës së Kuvajtit! Diskutohet edhe mundësia e shkëmbimit të metodave policore
2 Nëntor, 15:43 -
Pamjet me dron/ Shikoni punimet e Unazës së madhe në Tiranë
2 Nëntor, 15:37 -
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Tiranë/ Qëlloi 8 herë me thikë të riun, arrestohet 41-vjeçari i shpallur në kërkim për vrasje të mbetur në tentativë
2 Nëntor, 15:18 -
Veliaj në Torino, takon kryebashkiakun Lo Russo! Nis bashkëpunimi mes dy qyteteve, për Tiranën Kryeqyteti Mesdhetar i Kulturës në 2025
2 Nëntor, 11:31 -
Pa stadium, tifozë dhe ekip! 'Diktatura' e FSHF-së dhe pësimet e KF Tiranës që rikthejnë makthet e së shkuarës
2 Nëntor, 09:54
Ne kete rast zonja ka te drejte sepse vetem guximi dhe drejtesia e shtyjne progresin perpara dhe ndryshimin qe ne duam te shohim
Përgjigju