Kandidati për kryeministër në Japoni merr leje lindjeje

Ministri i Mjedisit japonez, gjithashtu edhe ekandidat për kryeministër, Shinjiro Koizumi njoftoi se do marrë pushime në punë pasi fëmija i tij i parë do të lindë këtë muaj.

Koizumi është ministri i parë i kabinetit në vend që do të ndërmarrë një veprim të tillë.

Ai tha të mërkurën se vendosi të ndërmarrë dy javë pushim lejeje lindje gjatë tre muajve të parë pasi bashkëshortja e tij të sjellë fëmijën në jetë.

Ministri e mori vendimin për të ndihmuar bashkëshorten me fëmijën e porsalindur.

Edhe pse ministri 38-vjeçar po bën vetëm 2 javë pushim vendimi i tij është shumë domethënës në Japoni.

Sipas ligjit në Japoni burrat dhe gratë kanë të drejtën për të marrë pushim nga puna deri në 1 vit pas lindjes së fëmijës së tyre.

Prindërve nuk u garantohet pagesa nga punëdhënësi i tyre, por kanë të drejtë për përfitime nga ana e qeverisë.

Por në vitin 2018, vetëm 6.16% e burrave morën leje atësie, sipas të dhënave të qeverisë të lëshuara vitin e kaluar, sipas BBC.

Vendimi i tij ka tërhequr vëmendjen pasi Koizumi, djali i ish-kryeministrit Junichiro Koizumi, shihet gjerësisht si një kandidat i ardhshëm për kryeministër.

“Sinqerisht e them që u mundova shumë për të marrë një leje atësie ndërkohë që plotësoj detyrën time si ministër i mjedisit. Por ne duhet të ndryshojmë jo vetëm sistemin por edhe atmosferën. Shpresoj se në të ardhmen do të kemi një shoqëri ku pushimi i atësisë së një politikani nuk përbën më lajm”, u shpreh ai.

TAG:
• Femije
• Japoni
• ministri i mjedisit