TIRANË- Sekretariati i Etikës në Kuvend ka përjashtuar me 10 ditë dy deputetët e PD-së, Elda Hoti dhe Petrit Doda, për kaosin gjatë seancës së 17 tetorit në Parlament. Përjashtimi i tyre me 10 ditë erdhi pas kërkesës së grupit parlamentar të Partisë Socialiste, pasi penguan zhvillimin e seancës.
Gjatë seancës së djeshme, Hoti u pa teksa spërkaste me një lëndë të lëngshme disa nga kolegët socialistë. Në kërkesën e përjashtimit, PS argumenton se Hoti hodhi në një lëndë të dyshuar të rrezikshme, e ndihmuar edhe nga Petrit Doda.
Për këtë akt, Hoti është vënë në hetim edhe nga Policia e Tiranës, e cila ka sekuestruar 4 shishe të vogla në sallën e Kuvendit. Lënda do të verifikohet, pasi PS ngriti dyshime se ishte benzinë, por në fakt vetë deputetja thotë se ishte parfum.
Po kështu Hoti, sipas procesverbalit dhe pamjeve, ka bllokuar fjalimin e deputetit socialist Petro Koçi, duke i hequr kartën elektronike, sikurse tentoi edhe me deputetin Eduart Shalsi.
Doda u ndëshkua edhe për grumbullimin e karrigeve në foltoren e Kuvendit, duke penguar kështu zhvillimin normal të seancës.
Një tjetër protagoniste e kaosit ishte edhe deputetja demokrate, Albana Vokshi, e cila pengoi deputetët e PS të mbanin fjalën. Madje, në një moment u kap nga kamerat teksa u përplas me socialistin Petro Koçi. Por, Vokshi i shpëtoi ndëshkimit, pasi PS nuk kërkoi përjashtimin e saj.
Ndërkohë, në sekretariatin e Etikës ishte depozituar edhe një kërkesë nga PD për marrjen e masave disiplinore për tre deputetët, Plarent Ndreca, Ilir Metaj dhe Erion Braçe. Kërkesa e PD erdhi pas përplasjeve mes tyre në Komisionin Hetimor të Shëndetësisë, ku Vokshi e Ndreca debatuan ashpër për drejtimin e mbledhjes.
Por, kërkesa e PD nuk u mor parasysh nga Etika me argumentin se kishin kaluar 48 orë nga momenti i përplasjes. Kështu, ndaj tre deputetëve socialistë nuk u mor asnjë mase disiplinore.
Më parë janë përjashtuar me 10-60 ditë edhe 24 deputetë të opozitës, pas kaosi në seancën e 30 Shtatorit dhe djegies së karrigeve të Kuvendit.
Në seancën e fundit të Komisionit Hetimor në Shëndetësi më 9 tetor, kryetarja e këtij komisioni Albana Vokshi dhe nënkryetari Plarent Ndreca, u përplasën ashpër për drejtimin e mbledhjes.
Ndreca nisi mbledhjen pa Vokshin, ndërkohë që kjo e fundit e akuzoi se ka shkelur ligjin dhe kërkoi përjashtimin e tij dhe të dy deputetëve të tjerë Erion Braçe dhe Ilir Metaj, por Etika nuk e ka marr parasysh këtë kërkesë të Vokshit.
Kryetarja e Kuvendit, Elisa Spiropali e cilësoi si të panevojshme dhe të papranueshme kaosin në sallën e Kuvendit nga deputetët e opozitës. Në një takim me rektorët e universiteteve publike dhe jopublike të vendit në kryesinë e Kuvendit, Spiropali foli edhe për situatën e djeshme në seancën plenare.
“Vijojë sot në këtë takim pas një të enjtjeje të trazuar në seancën plenare. Pa dyshim seria e radhës e një filmi të parë shumë herë, që pavarësisht shkaqeve dhe fajtorëve sfidon solemnitetin e pushtetit legjislativ, dëmton funksionalitetin e tij dhe jep një shembull të keq në raportin mes nevojës dhe reagimit, pritshmërive dhe realitetit”.
“Ai “mur berlinez” urrejtjeje që ngrihet aq artificialisht në atë sallë, ai demonstrim i panevojshëm i shndërrimit të kundërshtarit në armik, janë në gjykimin tim, e besoj dhe në atë të shumicës së qytetarëve, krejt i panevojshëm dhe i papranueshëm”, u shpreh Spiropali.
“Duke thënë këtë nuk dua kurrsesi as të mbaj qëndrim politik, as të jem palë me ndonjë nga palët në këtë konflikt të padurueshëm në kohëzgjatje, të pamoralshëm në motive dhe të dëmshëm për të gjithë në rezultat.
E përmenda të djeshmen, duke qenë e bindur se vetëm drita e arsimit dhe edukimit mund të lënë në hije këtë të kaluar dhe të tashme plot dritë-hije e tension.
Në Kuvend tashmë ka hyrë brezi i katërt i politikanëve të postpluralizmit dhe më ngjan se i pesti, ai brez që ndodhet sot në auditorët dhe në universitetet tona, do t’i shohë ata si model, si një model që duhet qortuar pa dyshim, por nga të cilët edhe mund të mësohet”, shtoi ajo.
“Qoftë edhe për këtë arsye të emergjencës politike që ka shoqëria jonë, në kushtet e depolitizimit të plotë të universiteteve, vetë universitetet mund të jenë banka e edukimit ndryshe të qytetarit shqiptar, më tolerant e më të përgjegjshëm, ushtrues të pasionit e jo të pasionit për ndeshje, të qytetarit të nesërm që pavarësisht bindjeve politike apo dhe refuzimit total të tyre, të jetë pjesë e një brezi me ndërgjegje shoqërore që vë individin në qendër të shoqërisë dhe vetë shoqërinë, kur e lyp nevoja, në shërbim të individit”, tha Spiropali.
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Pse priti deri në fund Berisha, çfarë shpresonte?
22 Nëntor, 13:08
-
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
