Kaosi i Rithemelimit/ Ambasadori gjerman, Bergner: Parlamenti të plotësojë rolin e tij kushtetues, mazhoranca dhe opozita të bashkëpunojnë

Ambasadori i Gjermanisë në Tiranë, Karl Bergner ka shprehur shqetësimin për kaosin e krijuar në Kuvend nga Rithemelimi prej disa javësh. Pas ambasadës amerikane dhe britanike, edhe ambasadori i Gjermanisë ka theksuar se është thelbësore që Kuvendi i Shqipërisë të ushtrojë kontrollin e ekzekutivit, ndërs au ka bërë apel popozitës dhe mazhornacës që të bashkëpunojnë.

"Po ndjek me shqetësim zhvillimet e fundit në Kuvendin e Shqipërisë. Qytetarët/et e Shqipërisë presin me të drejtë nga parlamenti i tyre që të jetë një forum, ku anëtarët e të cilit të mund të prezantojnë dhe diskutojnë hapur propozime të ndryshme politike. Ky shkëmbim duhet të zhvillohet në paqe dhe të drejtohet nga rregullat, që i ka përcaktuar vetë parlamenti.

LEXO EDHE:
SHBA, BE dhe Britania dënojnë sulmet e Metës ndaj kreut të SPAK: Krah drejtësisë, mbështesim ata që do t’i japin fund pandëshkueshmërisë

Ndaj u bëj thirrje anëtarëve të shumicës dhe opozitës në Kuvend që të bashkëpunojnë, me qëllim që të garantojnë, që parlamenti të plotësojë rolin e tij thelbësor kushtetues: kontrollin e ekzekutivit dhe ligjvënien në interes të qytetarëve/eve të përfaqësuar përmes deputetëve", thuhet në reagim.

Lajmi kryesor:

Rithemelimi i vuri flakën Kuvendit, ambasada e SHBA-së dhe ajo Britanike të shqetësuara: Tensionet jo në interes të Shqipërisë! Duhet dialog konstruktiv

B.K/Shqiptarja.com

TAG:
• ambasada gjermane
• ambasada e shba
• ambasada britanike
• Rithemelimi kaos ne kuvend