Kaosi i Rithemelimit në Kuvend, deputeti i PS Krashi: Sjellje e papranueshme! Janë vetëpërjashtuar! Sillen si me qenë në tokat e nënës e babait

Të papranueshme e ka cilësuar deputeti i PS Lavrdim Krashi sjelljen e deputetëve të Rithemelimit dhe të deputetëve mbështetës të Gazment Bardhit në Kuvend. Në emisionin “Frontline” në Report Tv Krashi tha se deputetët që krijuan kaos nuk janë përjashtuar nga Kuvendi por kanë zgjedhur të vetë-përjashtohen ndërsa u ka bërë thirrje për reflektim.

“Situata është vetë-krijuar nga deputetët e opozitës. Kur shkojnë në darkë në shtëpi e kuptojnë se sjellja e tyre është e papranueshme, nuk është sjellje qytetare dhe aq më pak nuk përfaqëson ata që i kanë zgjedhur. Unë them çfarë mendoj unë. Unë flas si qytetar. Si qytetar sjellët tona duhet të jenë në përpikmëri aq sa është e mundshme të jenë në përpikmëri. Nuk është kjo mënyra si mund të zgjidhen gjerat. Nëse Dogjani apo Mediu është ndaluar pa të drejtë ditën e hënë, edhe sikur të jetë e vertëte, pra të kishin 100%  të drejtë, mënyra si e kërkojnë ata zgjidhjen nuk është e saktë.

Këta janë vetë-përjashtime sepse ata e dinë rregulloren. Se po dëgjoj që  flitet për përjashtim. Jam çuditur me mënyrën si trajtohen deputetët në Shqipëri, sillen si në tokat e nënës apo babait e bëjnë ç’të duan. Deputetët janë shërbëtorë publikë. Sjellja e tyre është krejt e papranueshme”, tha Krashi.

LEXO EDHE:
‘Ligjet’ debate për pr/ligjin për planifikimin dhe territorin, Majko: 1 € tokës për leje! Dogjani: Jo qira tokës së babës! Çupi për draftin e ‘Albcontrol’: Fshihni paratë e arbitrazhit

Lajmi kryesor:

Kaosi në Kuvend, Asllan Dogjani: Ne po sillemi shumë butë, qeveria po na e merr për dobësi! Mediu: Duhet të reflektojmë

B.K/Shqiptarja.com

TAG:
• poli hoxha
• Lavdrim Krashi
• fatmir mediu
• Rithemelimi kaos ne kuvend
• Asllan Dogjani