KORÇË- Në Korçë janë sekuestruar mbi 15 mijë fishekë luftarakë, 30 kallëpe  tritol, 60  copë granata dore defensive dhe 41 copë ndezësa të unifikuar gjatë një operacioni policor mbrëmjen e ditës së djeshme.

Lëndër plasëse janë gjetur në zonën kufitare mes Devollit dhe Greqisë, pranë fshatit  Arrëz, të fshehura në pyll në momentin kur do bëhej kalimi i tyre në Greqi.
 
Policia e Korçës bën me dije se janë identifikuar dy autorë që për arsye hetimi nuk bëhet i ditur identiteti i tyre. Dy autorët janë shpallur në kërkim dhe sipas policisë, ata dyshohet se do të bënin trafikimin e lëndëve plasëse në shtetin fqinj, Greqinë.

kallepe tritol
Autorët kanë arritur të arratisen duke përfituar edhe nga errësira e natës dhe nga terreni i vështirë malor. Sipas policisë, lëndët plasëse do të kalonin në Greqi nëpërmjet kufirit të gjelbër, ose malit. 

Ndërkohë që policia po vijon punën deri në kapjen e dy autorëve.
granata

 Redaksia online
(esh/shqiptarja.com)