Kapen pa maska në rrugë, policia gjobit 523 qytetarë në 24 orë! Ndëshkohen 13 persona që lëviznin pas orës 22:00 (VIDEO)

Shumë qytetarë vijojnë të mos respektojnë masat e vendosura për mbajtjen e detyrueshme të maskave në rrugë.

Në 24 orët e fundit u gjobitën 523 persona me 3000 lekë të cilët u konstatuan në rrugë pa mbajtur maska. Shuma do tu faturohet në faturën e energjisë elektrike.

Gjatë kontrolleve janë shoqëruar në ambientet e policisë, 5 persona që nuk kanë pranuar t’i tregojnë efektivëve dokumentin e identifikimit.

Pasi janë identifikuar në komisariat, ata janë ndëshkuar me masën administrative 3.000 lekë dhe më pas janë lënë të lirë. 

Gjithashtu u gjobitën dhe 13 persona të cilët u kapën duke lëvizur pas orës 22:00 me masë administrative 10.000 lekë.

Ndërkohë edhe gjatë kësaj periudhe u ndëshkua një lokal i cili nuk respektonte masat e vendosura për parandalimin e përhapjes së COVID. Lokali u gjobit me 1.000.000 lekë.

E.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot