POP 5

Lajmet më të lexuara të 5 minutave të fundit

Sport

Kapiteni Ramos udhëheq Realin në Kupë, City-Chelsea finalja e 'Carabao Cup'

Kapiteni Sergio Ramos udhëheq Real Madrid drejt gjysmëfinaleve të Kupës së Mbretit. Real mposhti 4-2 Gironan në ndeshjen e parë çerekfinale ku dy gola i shënoi mbrojtësi Ramos. Ndërsa finalja e Kupës së Ligës në Angli do jetë Manchester City-Chelsea. Mbrëmë Chelsea eliminoi Tottenham pas penalltive.

Kapiteni Ramos udhëheq Realin në Kupë, City-Chelsea finalja e 'Carabao Cup'

Ramos shënon golin e tretë ndaj Girona

Në shenjën e kapitenit Sergio Ramos Real Madrid mposhti 4-2 Gironan dhe prenoton gjysmëfinalet e Kupës së Mbretit. Lozano kaloi shumë shpejt skuadrën katalanase në avantazh ndërsa Los Blancos e përmbysën disavantazhin që në pjesën e parë me golat e Lucas Vasquez dhe kapitenit Sergio Ramos që golin e dytë të ndeshjes e shënon me penallti alla Panenka. Girona nuk dorëzohet dhe barazon në minutën e 66-të me Granell që shënon me penallti. Por Ramos merr rolin e një numri 9-të dhe me kokë në minutën e 77-të kalon sërish Realin në avantazh duke kompletuar dygolëshin personal. Ndërsa francezi Karim Benzema shënon 10 minuta nga fundi dhe mbyll llogaritë. Real Madrid mund 4-2 Gironan në ndeshjen e parë çerekfinale të Kupës së Mbretit dhe prenoton një vend mes katër më të mirave.

Në ndeshjen tjetër çerekfinale Espanyol dhe Betis u ndanë në barazim 1-1. Borja Iglesias kaloi Espanyol në avantazh ndërsa për andaluzianët barazoi Antonio Sanabria.

Manchester City-Chelsea është finalja e Kupës së Ligës ose Carabao Cup në Angli. Chelsea kaloi me penallti Tottenham në “Stamford Bridge” pasi koha e rregullt përfundoi 2-1 ndërsa Tottenham e kishte fituar 1-0 ndeshjen e parë. Pjesa e parë ishte perfekte për blutë që shënuan me Kante dhe Hazard ndërsa golin e Tottenham e realizoi sulmuesi Llorente. Me penallti Chelsea fitoi 4-2 ku David Luiz realizoi penalltinë vendimtare ndërsa për Tottenham gabuan Dier dhe Lucas Moura.

 

 

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Hije dyshimi për testin e Magjistraturës, drejtori: Gabimi teknik, jo njerëzor! Lista përfundimtare është me 131 fitues

Hije dyshimi për testin e Magjistraturës, drejtori: Gabimi teknik, jo njerëzor! Lista përfundimtare është me 131 fitues

25 Prill, 11:49