Prej ditësh jemi gjendur në një situatë ku kushtet atmosferike kanë shkaktuar luhatjen e temperaturave brenda ditës dhe siç pohojnë edhe specialistët kjo pasqyrë atmosferike do të na shoqërojë edhe përgjatë muajit qershor.
Në mëngjes diell dhe temperatura të larta, ndërsa pasdite reshje shiu dhe stuhi lokale kanë krijuar një paparashikueshmëri të motit gjatë këtyre ditëve, por sipas specialistëve ky është një fenomen tipik dhe i zakonshëm për muajt maj-qershor.
E ftuar në një lidhje të drejtëpërdrejtë në emisionin "Sot Live në Shqipëri", me Gazetarin Nertil Agalliu, Anira Gjoni, specialiste e IGJEUM, ka shpjeguar për Repor Tv arsyet e destabilitetit të motit dhe parashikimin për fundjavën dhe muajin qershor.
Sa i përket situatës atmosferike përgjatë muajit maj, specialistja tha se ky fenomen është tipik i muajve maj-qershor dhe për rrjedhojë edhe në muajin e ardhshëm do të kemi këtë pasqyrë të motit.
“Gjatë këtyre javëve ne kemi hasur, në ditë kur paraditet kanë qenë të mira dhe pasditet janë shoqëruar me reshje shiu dhe stuhi lokale në zona të ndryshme. Kjo pasqyrë e motit dhe kjo situatë atmosferike do të na shoqërojë edhe përgjatë javës që ne jemi dhe presim që dhe muaji qershor të ndodhet në të njëjtën situatë. Presim të kemi një qershor të lagësht, pasi është fenomen tipik për muajt maj-qershor dhe nëse kthemi pas në vitet 2017-2018 jemi përballur me një fenomen të tillë. Nuk është asgjë e jashtëzakonshme pasi në gjuhën tonë teknike njihet si destabilitet i kushteve atmosferike, pra kemi rryma ajrore që përplasen dhe sjellin paqëndrueshmëri në kushtet atmosferike që për pasojë sjellin stuhi të herëpashershme që do të jenë prezente edhe në ditë të ndryshme gjatë muajit qershor. Kjo situatë vjen nga ndikimi i masave ajrore, të cilat krijojnë retë dhe këto sjellin shirat kapriçozë dhe reshje të shumta lokale ne zona të caktuara të cilat në disa vende janë reshje të dobëta ndërsa ne disa të tjera më të dendura”, u shpreh Gjoni.
Sa i takon fundjavës specialistja e motit tha se fundjava do të mbyllet pak a shumë me të njëjtat temperatura që na kanë shoqëruar edhe përgjatë javës.
“Kjo javë mbyllet siç nisi, temperaturat do të jenë relativisht të larta për fundin e majit dhe fillimin e qershorit dhe janë më të ulëta në krahasim me vitin e shkuar. Qershori pritet të nis me temperatura më të larta se sa maji dhe përsëri do të vazhdojë të jetë i shoqëruar me reshje të herëpashershme”, tha Gjoni.
Lajme të tjera
-
Moti për sot/ Reshje shiu dhe dëbore në gjithë territorin
24 Dhjetor, 07:40 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Protesta masive në Beograd, gazetari nga Presheva në Report Tv: Më e madhja ndonjëherë që kur u rrëzua Millosheviçi! Sjellja arrogante e Vuçiç i ka irrituar më shumë qytetarët
23 Dhjetor, 11:49 -
Mos harroni çadrat! Reshje shiu dhe dëbore në zonat malore, parashikimi i motit për këtë javë
23 Dhjetor, 07:16 -
Nesër reshje intensive me shtrëngata në 5 qarqe, apel për marrjen e masave
22 Dhjetor, 13:24 -
Ulen ndjeshëm temperaturat, parashikimi i motit për sot
22 Dhjetor, 07:35 -
Sot reshje shiu, ikin të dielën! Parashikimi i motit për këtë fundjavë
21 Dhjetor, 07:45 -
Rikthehen reshjet në gjithë vendin, parashikimi i motit për sot
20 Dhjetor, 07:18 -
Vranësira dhe temperatura deri në 16 gradë celsius...parashikimi i motit për sot
19 Dhjetor, 07:19 -
Krishtlindjet, At Grigor Pelushi në Report Tv: Një nga festat kryesore të Krishtërimit, në 24 dhjetor Shërbesa e Vigjiljes! Perëndia zbriti nga froni për të shpëtuar njerëzimin
18 Dhjetor, 14:49 -
Temperatura deri në 18 gradë celsius, parashikimi i motit për sot
18 Dhjetor, 07:22 -
SHBA mesazh Berishës, gazetari Poli Hoxha: Iluzion, asnjë shans t’i hiqet non grata
17 Dhjetor, 14:30
