POP 5

Lajmet më të lexuara të 5 minutave të fundit

Sociale

Karkaleci ‘pushton’ fushat e Dumresë! Fermerët: Ka bërë namin, dezinsektimi nisi me vonesë!

Njësoj si në Lushnje edhe në zonën fushore të Dumresë, karkaleci po dëmton fushat e mbjella me foraxhere e drithë, por dhe pemët frutore. Fermerët ankohen se kanë humbje të mëdha prej insektit që shfaqet çdo vit, ndërsa Drejtoria e Bujqësisë deklaron se ka nisur spërkatjen.

Qindra hektarë tokë bujqësore në zonën e Dumresë janë pushtuar nga karkaleci i cili ka dëmtuar të mbjellat. Infeksioni më i madh paraqitet në zonën e Belshit, por vatra sporadike ekzistojnë edhe në fshatra të tjerë. Sipas fermerëve karkaleci ka dëmtuar jonxhën, duhanin e misrin, ndërsa tashmë po dëmton edhe pemëtarinë.

“Na ka bërë tokat copë-copë. Vjet thanë do vijmë, por shkuan vetëm në një fshat dhe këtu nuk erdhën. Këtë vit ka bërë namin karkaleci. Sidomos jonxhën njëherë e ka dëmtuar komplet. Ne me atë mbajmë blegtorinë”, tha një fermer.

Drejtori Rajonal i Veterinarisë dhe Mbrojtjes së Bimëve, Fatmir Ozuni pasi ka inspektuar në terren thotë se sipërfaqe të tëra në Belsh ndodhen  në kushtet e emergjencës. Sipas tij dezifektimi ka nisur nga njësia administrative Kajan.

Duke qenë se banorët mbarështojnë bagëti të imëta dezifektimi i vatrave të infeksionit kryhet me një preparat që nuk i dëmton këto të fundit dhe kryesisht pasditeve.

Një situatë e tillë në zonën e Drumresë përsëritet prej tre vitesh. Dezinfektimet sporadike rezultojnë të pa suksesshme pasi karkaleci shfaqet sërish me ardhjen e stinës se verës. Sipas fermerëve, dezinsektimi bëhet me vonesë dhe i lokalizuar!

R.D/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, sa cilësor është shërbimi në spitale shtetërore?

Lajme të tjera



×

Lajmi i fundit

Gazment Bardhi: Interpelancë me kryeministrin për emërimin e ish agjentit të shërbimeve sekrete rumune

Gazment Bardhi: Interpelancë me kryeministrin për emërimin e ish agjentit të shërbimeve sekrete rumune

26 Qershor, 14:30