POP 5

Lajmet më të lexuara të 5 minutave të fundit

Kronikë

Karta e Adriatikut, Xhaçka: Shqipëria merr kryesimin në 2019

Ministrja e Mbrojtjes Olta Xhaçka ndodhet në Mal të zi, ku ka marrë pjesë në takimin e Ministrave të të Mbrojtjes të SHBA- Karta e Adriatikut  (Shqipëri, Kroaci, Mali i Zi, Maqedoni dhe Bosnje - Hercegovinë), ndërsa bëri të ditur se vitin e ardhshëm Shqipëria pritet  të marrë kryesimin e Kartës së Adriatikut A-5.

Karta e Adriatikut, Xhaçka: Shqipëria merr kryesimin në 2019

Ministrja e Mbrojtjes, Olta Xhaçka gjatë ceremonisë në Mal të Zi

Ministrja e Mbrojtjes Olta Xhaçka ndodhet në Mal të zi, ku mori pjesë në takimin e Ministrave të Mbrojtjes të SHBA- Karta e Adriatikut  (Shqipëri, Kroaci, Mali i Zi, Maqedoni dhe Bosnje - Hercegovinë) , ndërsa bëri të ditur se vitin e ardhshëm Shqipëria pritet  të marrë kryesimin e Kartës së Adriatikut A-5.

Në fjalën e saj gjatë ceremonisë në Budva, ministrja Xhaçka vlerësoi para homologëve të Kartës së Atlantikut mbështetjen e  dhënë deri më tani ndaj Shqipërisë dhe theksoi se ka ardhur koha qe te ndiqet politika e dyerve te hapura edhe për vende të tjera që aspirojnë  për t’u anëtarësuar në aleancën Aleancës së  Atlantikut të Veriut.

Ka ardhur koha që përpara se t’i kërkojmë NATO-s të hapë dyert e veta, duhet të tregojmë se jemi të gatshëm të hapim dyert për njeri – tjetrin, pikërisht këtu në shtëpinë tonë. A-5 duhet të bëhet A-6 dhe vitin e ardhshëm, gjatë të cilit Shqipëria do të kryesojë A-5, të gjithë duhet të mirëpresim Kosovën për t’u bërë pjesë e kësaj iniciative, pararendëse për integrimin e rajonit në NATO.

Olta Xhaçka, Ministrja e Mbrojtjes

Xhaçka theksoi gjithashtu nevojën e thellimit te bashkëpunimit dhe dialogu politikt, për më shumë qartësi në realizimin e objektivave të përbashkëta.

Shqipëria do të mbetet gjithmonë e angazhuar mbi vlerat dhe parimet bazë të Kartës së Adriatikut duke vazhduar dialogun politik dhe bashkëpunimin me Shtetet e Bashkuara të Amerikës dhe vendet anëtare të A5.

Olta Xhaçka, Ministrja e Mbrojtjes 

Pjesëmarrësit në takim, mes të cilëve edhe zëvendësasistentja e sekretarit amerikan të Mbrojtjes, Laura Cooper vlerësuan rolin pozitiv të Shqipërisë në rajon, veçanërisht sa i takon politikës së dyerve të hapura.

Në përfundim, ministrat e Mbrojtjes të Kartës së Adriatikut nënshkruan një deklaratë ku angazhohen për të bashkëpunuar në mbrojtjen nga kërcënimet e përbashkëta.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Lufta ndaj emigracionit të paligjshëm dhe krimit të organizuar, Britania i dhuron 30 mijë paund pajisje të sofistikuara Policisë Kufitare

Lufta ndaj emigracionit të paligjshëm dhe krimit të organizuar, Britania i dhuron 30 mijë paund pajisje të sofistikuara Policisë Kufitare

30 Janar, 08:16