POP 5

Lajmet më të lexuara të 5 minutave të fundit

Arkiva

Kasetat e montuara, Totozani
mbështet Unionin e Gazetarëve

Unioni i Gazetarëve pas protestës për vendimin e KQZ lidhur me pranimin nga ana e mediave të kasetave të montuara nga partitë, i është drejtuar Avokatit të Popullit. Ai i ka siguruar mbrojtjen e lirisë së mediave sipas ligjit.   
Unioni: "Kasetat e partive janë censurë"
Unioni kundër partive. Nga Anila Basha
TIRANË – Avokati i Popullit, Igli totozani u dha mbështetjen Unionit të Gazetarëve Shqiptarë lidhur me protestën e bërë dy ditë më parë për vendimin e KQZ që mediat private mund të pranojnë nga partitë politike kasetat e tyre të montuara nga aktivitetet elektorale.

Kryetari i Unionit Aleksandër Çipa dhe drejtorja e "Shqiptarja.com", Anila Basha kanë ngritur para Totozanit të gjitha shqetësimet që kanë ardhur nga meiat në vend pas vendimit të KQZ.

Çipa shprehu shqetësimin se këto vendime jo vetëm që cënojnë pavarësinë e informimit publik, por shkelin dhe Kushtetutën në nenet për të drejtën e informimit.

“Ne e konsiderojmë këtë një precendet të rrezikshëm, i cili rrezikon dhe dhunon drejtpërdrejti pavarësinë e Informimit prej mediave të pavarura në Shqipëri, raportimin prej reporterëve të mediave audiovizive shqiptare dhe që praktikisht që deformon misionin natyral, duke i futur partitë politike si ndërmjetëse në informimin për opinionin publik për fushatën zgjedhore.

Vendimi i KQZ-së për pranimin e kasetave të montuara nga partitë  është një precedent, i cili dhunon pavarësinë e informimit dhe deformon misionin e medias. Protestën e tij në lidhje me vendimin e KQZ, Unioni i Gazetarëve po e paraqit në institucionet shqiptare, të cilat mbrojnë Kushtetutën.

Me këtë vendim shkelen nene të Kushtetutës për të drejtën e informimit. Avokati i Popullit do të jetë një kontribut institucional në mbrojtje të Kushtetutës”, tha ai. Nga ana e tij, Avokati i Popullit, z.Igli Totozani tha se insitucioni që ai drejton do të ngrerë një grup pune për monitorimin e procesit zgjedhor.

“Në parim, ne jemi për moscënueshmërisë në asnjë mënyrë dhe në asnjë rrethanë të mundshme të lirisë së mediave. Kam ngritur një grup pune, i cili deri ditën e hënë do të përgatisë qëndrimin zyrtar të institucionit të Avokatit të Popullit.

Besoj se do të jetë një rekomandim ndaj KQZ-së, por ndoshta nuk do të jetë i vetmi mjet që do të përdorim", tha Avokati i Popullit. Ndërkohë që vetëm dy ditë më parë, Unioni i Gazetarëve bënë protestë para dy selive të partive kryesore si dhe përpara KQZ.

Lajmi u përditësua

Shkrimi u botua sot në gazetën Shqiptarja.com (print) 08.06.2013

Redaksia online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03