Forcat e sigurisë indiane kanë vrarë një militant në një betejë me armë zjarri në Kashmir, duke shënuar përplasjen e parë prej kur Nju Delhi i ka hequr statusin special këtij rajoni.
Sipas Agjencisë REL, një zyrtar policor po ashtu është vrarë në luftimet që kanë nisur në Kashmirin e kontrolluar nga India
Mijëra trupa paramilitare ushtarake janë pozicionuar për të kontrolluar Kashmirin.
![](https://shqiptarja.com/template/img/NO_ALFA_Kuadrate shqiptarja.png)
Pakistani në anën tjetër ka thënë se tre civilë pakistanezë kanë vdekur nga të shtënat indiane afër kufirit de fakto në Kashmir, i njohur si Linja e Kontrollit.
Militantët pro pavarësisë së Kashmirit janë zotuar se do të vazhdojnë të protestojnë dhe kanë kërcënuar se do të nisin luftën e armatosur.
Veprimet e Indisë kanë provokuar reagime të forta edhe në Pakistan, duke bërë që autoritetet e Islamabadit të njoftojnë se do të ndërpresin tregtinë bilaterale me Indinë dhe do të dëbojnë ambasadorin Indian.
Qeveria indiane nga ana e saj ka dërguar mijëra trupa shtesë në rajonin e diskutueshëm, ka vendosur gjëndjen e shtetrrethimit, ka mbyllur linjat e telekomunikacionit dhe ka arrestuar disa udhëheqës politikë.
Gjatë një takimi me kryeministrin pakistanez, presidenti amerikan Donald Trump deklaroi se kryeministri indian, Narendra Modi i ka kërkuar atij që jetë ndërmjetësues për Kashmirin, një pretendim i hedhur poshtë nga Nju Delhi.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)