Deputeti i PD-së, Ivi Kaso, në fund të fjalës së tij në Kuvend, i bëri një thirrje Niko Peleshit që të japë dorëheqjen nga detyra e kryetarit të Kuvendit para se të shkarkohet me votë. Ai ironizoi teksa tha se duhet t’ia lërë vendin kryetarit real të Kuvendit, Taulant Ballës.  

“I bëj një apel personal kryetarit të kuvendit, ik përpara votimit dhe jep dorëheqjen. Zgjidh dinjitetin tënd përpara detyrës së partisë, do të ikësh pa dinjitet se je ai që ke tentuar të heshtësh opozitën në sallën e sovranit dhe të zerosh rolin e parlamentit në demokraci. Do të ikësh pa dinjitet por do të çlirosh kuvendin nga detyra e kryetarit që nuk deshi të ngrihej në lartësinë e detyrës që ajo karrike meriton, por të paktësh do t’i kthesh drejtimin e kuvendit, kryetarit real, atij që sot drejton grupin parlamentar të PS, që është ulur pranë teje.”, tha Kaso.


Lajmi kryesor:

Me 79 vota kundër, rrëzohet kërkesa për shkarkimin e Peleshit! PD nuk merr pjesë në votim! Kryetari i Kuvendit: Jeni përçarës