POP 5

Lajmet më të lexuara të 5 minutave të fundit

Sport

Kastriotin nuk e kënaq pika me Vllazninë, trajneri: Jo vetëm lojë, tani duhen edhe rezultatet (VIDEO)

Edhe pse ndaluan skuadrën kryesuese të Superligës Vllazninë, te Kastrioti nuk janë të lumtur. Trajneri Ndreu thotë se përveç lojës duke filluar nga ndeshja me Bylisin të shtunën duhet fituar.

Kastrioti është skuadra e Superligës e cila po i hap më shumë punë ekipeve kryesuese. Së fundmi krutanët i morën një barazim në Loro Boriçi Vllaznisë, duke marrë një pikë e cila vlen shumë për objektivin. Për trajnerin Ndreu rezultatet duhet të ishin më të mira, por ai thotë se është shumë i kënqur me lojën.

Ramadan Ndreu, trajneri i Kastrioit: “Pavarësisht se nuk kemi marrë pikët, pasi rezultatet nuk kanë qenë në favorin tonë. Gjithsesi kemi zhvilluar ndeshje shumë të mira. Jam i kënaqur me lojrat por pikët janë ato që të japin kënaqësinë.”

Barazimi me Vllazninë sipas Ndreut e ka ndihmuar skuadrën nga ana mentale, ndërsa në sfidën e ardhshmë, që është të shtunën kundër Bylisit, pret vetëm fitoren.

Ramadan Ndreu, trajneri i Kastrioit: “Një pikë morali, një pikë që të jep shresa që skuadra po funskionon shumë mirë. Kështu që shpresoj që ndeshjen e ardhshme kundër Bylisit, futbollistët të jenë po me atë ritëm. Duhet ta kuptojnë që është ndeshje shumë e rëndësishme, jo jetike, por shumë e rëndësishme për vazhdimësinë tonë.”

Aktualisht Kastrioti renditet në vendin e 7 me 18 pikë, 5 më shumë se pozicioni i fundit që rrezikon për të rënë nga kategoria.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14