KATAR 2022/ Kameruni s’lë serbët të gëzojnë, sfida me 6 gola mbyllet pa fitues (VIDEO)

6 gola ka prodhuar sfida e parë e ditës së nëntë të Botërorit mes Kamerunit dhe Serbisë, por në fund nuk ka patur fitues. Që në nisje kishte surpriza, pasi portieri i njohur i afrikanëve Onana ishte përjashtuar nga trajneri për shkak të disa kundërshtive me formacionin. Po për të parë golin e parë u desh minuta e 29 dhe erdhi nga Castelletto. Gjithsesi po brenda pjesës së parë serbët përmbysën, duke realizuar fillimisht me Pavlovic dhe më pas Milinkovic-Savic.

Pjesa e dytë nisi me një tjetër gol të serbëve, pasi Mitrovic gjeti rrugën e rrjetës dhe dha përshtypjen e një sfidë të mbaruar. Mirëpo Kameruni u rikthye nga humnera për të barazuar në harkon kohor të 3 minutave. Aboubakhar ngushtoi diferencat para se Choupo-Moting ti barazonte ato në 3-3 dhe njëkohësisht ti vuloste ato.

Pika e fituar nuk i shkon për shtat asnjë prej kombëtareve, pasi po në grupin G janë edhe Brazili me Zvicrën. Pas dy ndeshjeve në grup si Kameruni ashtu dhe Serbia kanë nga 1 pikë dhe janë afër eliminimit.

Formacionet zyrtare

Rendit zhvillimet sipas orarit:
Ora 12:34
KATAR 2022/ Përballje e ‘çmendur’! Mitrovic i dërgon shifrat në 1-3 për Serbinë, por Kameruni barazon për 3 minuta (VIDEO)

 

53’ Mitrovic realizoi golin e tretë kundër Kamerunit, duke dhënë përshtypjen se sfida kishte përfunduar për Serbinë. Gjithsesi afrikanët janë ringjallur dhe kanë realizuar dy herë për 3 minuta. Në të 64 Aboubakhar dhe 66 Choupo-Moting barazuan shifrat. Ndeshje e çmendur në Doha.

Ora 11:52
KATAR 2022/ Kameruni ‘në tokë’ për 3 minuta, Serbia përmbys shifrat në 1-2 (VIDEO)

 

45+1’ Serbia ka barazuar shifrat me mbrojtësin Pavlohic, ndërsa Kameruni pa marrë vetën mirë ka pësuar edhe golin e dytë. Dy minuta më pas, ekzaktësisht në minutën e 45+3’ ballkanasit kanë përmbysur shifrat.

 

Ora 11:38
KATAR 2022/ Kameruni shtang Serbinë në Katar, vjen goli i parë i sfidës pas një goditje këndi (VIDEO)

 

29’ Kameruni ka gjetur avantazhin kundër Serbisë, pasi Kasteleto e ka patur të lehtë të dërgojë topin në rrjetë pas një zhvillimi të goditjes së këndit.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se Berisha do të pyetet për çështjen Gërdeci?



×

Lajmi i fundit

Scholz: Nuk do të dërgojmë avionë luftarakë në Ukrainë, fokusi është për tanket

Scholz: Nuk do të dërgojmë avionë luftarakë në Ukrainë, fokusi është për tanket