KATAR 2022/ Anglia me Francën përballen në çerekfinale, Tre Luanët 'kafshojnë' 3 herë Senegalin (VIDEO)

FT/ Angli 3 - 0 Senegal (Henderson 39', Kane 45+3', Saka 57')

Anglia fitoi 3-0 me Senegalin në 1/8 e Kupës së Botës, duke marrë një biletë për në çerekfinale. Skuadra e Southgate do luajë në Francën në fazën që vjen, në një duel që pritet me interes për vetë formën e skuadrave. "Tre Luanët" e Anglisë sfidojnë kampionët e botës në fuqi, me ndeshjen që shihet si një finale e parakohshme.

Në ndeshjen kundër Senegalit, Anglia nuk e vendosi asnjëherë në diskutim fitoren. Ishullorët gjetën golin e parë në minutën e 39 të ndeshjes me Henderson pas asistit të Bellingham. Ndërkohë që skuadrat i drejtoheshin dhomave të zhveshjes, kundërsulmi i anglezëve solli golin e Kane pas asistit të Foden, me Anglinë që mbylli llogaritë e ndeshjes.

Pjesa e dytë ishte totalisht nën kontrollin e Anglisë, që shënoi me Saka në minutën e 57, me Foden që asistoi për të dytën herë në këtë duel. Kështu, në çerekfinale anglezët luajnë me Francën në 10 dhjetor. Pas Holandë - Argjentinë, kjo është çerekfinalja e dytë që mësohet në këtë Botëror.

VIDEO:

Rendit zhvillimet sipas orarit:
Ora 22:26
VIDEO/ Humbja me Anglinë i la jashtë Kupës së Botës, Senegali ka për çfarë krenohet në Botëror

Senegali humbi 3-0 me Anglinë në 1/8 e Kupës së Botës. Përtej humbjes, afrikanët i dhanë ngjyra dhe ritëm eventit në Katar. Tifozët e Senegalit ishin më unikët në Kupën e Botës, teksa në tribuna ranë në sy për këngët dhe vallet tradicionale. Veç tyre, veshjet me ngjyrat karakteristike (e kuqe, e verdhë dhe jeshile) nuk munguan. Me mijëra në numër, tifozët ia dolën të krijonin një atmosferë që shpeshherë u shfaq në transmetimin e ndeshjeve. Duket se në Senegal kanë me çfarë të krenohen edhe pse u eleminuam nga Botërori i Katarit.

Ora 21:17
VIDEO/ Anglia e kthen në stërvitore, Saka ndëshkon Senegalin për herë të tretë

57' / Angli 3-0 Senegal. Bukayo Saka mbyll llogaritë e sfidës. Sulmuesi i Anglisë ka shënuar golin e tretë të ndeshjes në minutën e 57. Asisti i Fodes (i dyti këtë ndeshje) ka dërguar te goli sulmuesin e Arsenalit. Për Saka ky është goli i tretë në këtë Kupë Bote.

Ora 20:50
VIDEO/ Anglia mbyll llogaritë në pjesën e parë, Kane shënon golin e 2-të kundër Senegalit

45+3' / Angli 2-0 Senegal. Harry Kane shënon golin e dytë të ndeshjes. Një kundërsulm "vrasës" në minutën e tretë shtesë të pjesës së parë ka bërë që Kane të dërgojë topin në rrjetë duke mposhtur Mendy pas asistit të Foden. Goli i parë për Kane në këtë Kupë Bote.

Ora 20:42
VIDEO/ Pickford hero te 'Tre Luanët', Henderson kalon Anglinë në avantazh

39' / Angli 1-0 Senegal. Jordan Henderson kalon Anglinë në avantazh pas 39 minutave lojë. Aksioni i bukur i anglezëve është konkretizuar me gol nga kapiteni i Liverpool, kjo pas asistit të Bellingham. Gjatë pjesës së parë portieri Pickford ka qenë hero te Anglia me pritjet e tij.

S.DH/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Vendim befasues nga gjykata e Madridit: Superliga europiane mund të organizohet, UEFA dhe FIFA mos të dënojnë pjesmarrësit

Vendim befasues nga gjykata e Madridit: Superliga europiane mund të organizohet, UEFA dhe FIFA mos të dënojnë pjesmarrësit