VLORË- Në Vlorë është përfshirë nga flakët fusha e mbetjeve urbane, duke bërë një alarm mjedisor. Report Tv ka siguruar pamjet nga vendngjarja, ku aktualisht duket vetëm një zjarrfikës. Zjarri ka nisur që prej orës 7:30 të mëngjesit të sotëm, ndërkohë që dyshohet se është e qëllimshme.
Nënkryetarja e bashkisë së Vlorës, Aulona Veizaj, tha në një prononcim për mediat se zjarri është i qëllimshëm dhe se dëmet janë të konsiderueshme. E pyetur nëse wshtw gati landfilli gati për depozitimin e mbetjeve, Veizaj tha se për momentin janë në emergjencë e po punojnë që të shuajnë flakët.
‘Mendoj se është e qëllimshme dhe i lajmërojmë të gjithë që mos të bëjnë gjëra të tilla pasi dëmet janë të konsiderueshme. Ky është një incident i krijuar nga vetë njerëzit. Ne jemi këtu në emergjencë po punojmë për izolimin dhe kaq mund të them.’- tha Veizaj.
Banorët pranë fushës së mbetjeve kanë hedhur akuza se zjarri është vendosur nga vetë punonjësit në këtë fushë mbetjesh, e ndërsa thonë se kjo zonë më parë ka qenë një fushë me lule.
"Plehrat kanë shumë kohë, ndërsa zjarri është shfaqur qe dje. Që kur erdhi Dritan Leli si kryetar i Bashkisë, gjendja u stabilizua, po sot në mëngjes kur del era, mbyll dritaret dhe rri brenda.
Km 23 vjet këtu, aty ku janë plehrat ka qenë fushë me lule, po filluan t'i hidhnin plehrat nga pak e nga pak aty, i digjnin gjithmonë, Leli i fiku zjarrin, vuri nga 2 policë që të mos i vinin zjarrit, por era binte ana. Vjen një erë e qelbur, që nuk durohet. Vendi ka qenë i pastër, kemi bërë edhe protestë na thotë "do i heqim". E kanë vënë zjarrin ato që marrin mbeturinat e i shesin".
Mbyllim dyer dritare, se s'rrimë nga era e keqe, deri sa ndryshon drejtimi i erës", tha disa prej qytetarëve.
Ky zjarr në fushën e mbetjeve në Vlorës, duket se është i njëjti skenar si ai i rasteve në Fier. Patos dhe Lushnjë, ku zjarret shkaktuan vërtet situatë të rëndë. Në Fier flakët zgjatën me ditë të tëra dhe e mbushën qytetin me një re të zezë tymi. Ndërkohë që shuarjes përfundimtare të zjarrit, mbetjet filluan të transportoheshin në incinerator. Djegia e mbeturinave në këtë fushë vijoi prej 5 ditësh ku për banorët dhe ambientalistët ky rast ka qenë një rrezik ekstrem pasi me djegien e plastikës prodhohen disa nga helmet më të rrezikshme në planet siç janë dioksina dhe furana, të cilat janë kancerogjene.
Ndërkohë zjarri në Lushnjë prej ditësh mbuloi zonëm me tym të zi dhe erë të keqe, ku më e prekur ishte lagja '18 Tetori' e qytetit.
Lajm në përditësim...
Banoret e zones
Atë se çfarë po ndodh në fushën e mbetjeve urbane në Vlorë, kreu i Bashkisë Dritan Leli e quan një incident, për të cilin po punohet për ta vënë në kontroll.
"Masakër mund ta quanin 20 vjet që digjeshin plehrat dhe askush nuk ngrinte zërin, ndërsa sot mund ta quajmë një incident, policia po gjen shkaktarët, thuhet e qëllimshme, këtu për t'u përballur me këtë situatë për të cilën jam e sigurt se do e fitojmë, duke u përpjekur maksimalisht me zjarrfikëset që po punojnë. Landifili i Sheristës do zgjidhë çështjen kaq të nxehtë të trajtimit të mbetjeve në Vlorë, pavarësisht pengesave në horizont ekziston fryma pozitive. Që t' vë gishtin dikujt, këtë ta gjejnë organet e policisë së Shtetit, ka qenë premtimi i parë për një plagë që e ka pasur qyteti, që po rikthehet në memorien e qytetarëve", tha Leli.
Komente
Lajme të tjera
-
Fusha e mbetjeve në Vlorë 2 ditë në flakë, tymi mbulon zonën! Banori për Report Tv: Problem i madh, bllokohemi me erën e mbeturinave (VIDEO)
23 Nëntor, 08:29 -
Vlorë/Sërish zjarr në fushën e mbetjeve! Zjarrfikësit në 'luftë' me flakët (VIDEO)
22 Nëntor, 18:31 -
Aksident në fshatin Lapardha të Vlorës! Shoferi humb kontrollin e mjetit dhe del nga rruga
22 Nëntor, 16:46 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vlorë/ 30- vjeçari ra nga kati i 3 i pallatit në ndërtim, arrestohet sipërmarrësi i punimeve të pllakave, nën hetim një tjetër! Mungonin kushtet teknike për sigurimin e jetës
21 Nëntor, 09:43
-
Vlorë/ FNSH 'pritë' tek rrethrrotullimi i Skelës, ndalon makinat e luksit e me xhama të zinj! Kontrolle për persona të kërkuar apo me armë (VIDEO)
20 Nëntor, 20:57
-
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Vlorë/ Bie nga kati i 3 i pallatit në ndërtim, 30 -vjeçari niset drejt Tiranës! Në gjendje të rëndë shëndetësore
20 Nëntor, 12:39 -
Vlorë/ Efektivi i policisë jashtë shërbimit aksidenton me ‘Benz’ këmbësorin e moshuar! 79-vjeçari nën kujdesin e mjekëve, edhe AMP nis hetimet
19 Nëntor, 18:27 -
Vlorë/ Përkeqësimi i kushteve meteorologjike, stuhi dhe dallgë deri në dy metra! Ndalohet lundrimi i varkave e peshkarexhave për 4 ditë! Ja kur rinis, tragetet dhe anijet e mëdha do vijojnë
19 Nëntor, 16:55 -
Vlorë/ Aksident në rrugën Transballkanike, automjeti 'Benz' përplas motorin, plagosen drejtuesi dhe pasagjeri (VIDEO)
19 Nëntor, 15:24
Ne vlore mjafton te shikoni debatin e bere ne keshillin bashkiak vlore para dy a tre ditesh per landfilldin e vlores e do shikoni se kujt i intereson zjarri ne fushen e mbetjeve vlore.
Përgjigju