POP 5

Lajmet më të lexuara të 5 minutave të fundit

Kronikë

Katër anëtarët e 'Grupit Bajri' padisin gjyqtaren Iliriana Olldashi për shpërdorim detyre: Po mundohen të na mbajnë me çdo kusht në burg (DOKUMENTI)

Edhe më herët, të katër anëtaret e grupit i janë drejtuar Komisionit të Posaçëm të Kualifikimit me kerkesë ankimore ndaj Gjyqtares Iliriana Olldashi dhe Prokurorit Anton Martini duke kërkuar me ngulm largimin e tyre nga sistemi i drejtësisë.

Katër anëtarët e 'Grupit Bajri' padisin gjyqtaren Iliriana Olldashi për shpërdorim detyre: Po mundohen të na mbajnë me çdo kusht në burg (DOKUMENTI)

Safet Bajri

Katër nga anëtarët e "Grupit Bajri", Safet Bajri, Ilir Bajri, Ismet Idrizi dhe Asmer Bilali kanë depozituar ditën sotme kallëzim penal ndaj gjyqtares Iliriana Olldashi, për veprën penale të "Shpërdorimit të detyrës"  parashikuar nga Neni 248 i Kodit Penal. Padija ka ardhur  për shkak se kanë kaluar me shumë se 3 javë dhe vendimi i masës së sigurimit "Arrest ne burg" nuk është zbardhur dhe për pasojë aktet nuk janë depozituar në Gjykatën e Apelit për Krime të Rënda Tiranë.

"Po mundohen të na mbajnë me çdo kusht ne burg", shprehen në një pjesë të kallëzimit anëtarët e grupit.

Behar Bajri, Safet Rustemi, Ilir Rustemi, Ismet Idrizi dhe Asmer Bilali do të vijojnë që të qëndrojë në burg për akuzat e reja që ka ngritur prokuroria, pavarësisht se masa për akuzat e një viti më parë u shuan më datë 22 nëntor. Kjo ka ardhur pas pranimit të Gjykatës së Shkallës së Parë për Krimet e Rënda, të kërkesës së avokatit mbrojtës të Safet Bajri, Ilir Bajri, Asmer Bilali dhe Ismet Idrizi për shuarjen e masës së sigurisë 'Arrest me burg' të dhënë më datë 21.09.2018. Megjithatë 4 anëtarët e grupit ‘Bajri’ qëndrojnë në paraburgim pasi ndaj tyre, mbetet në fuqi dhënia e masës së sigurisë “arrest me burg” dhënë  më 20 nëntor.

Edhe me herët, të katër anëtaret e grupit i janë drejtuar Komisionit te Posaçëm të Kualifikimit me kërkesë ankimore ndaj Gjyqtares Iliriana Olldashi dhe Prokurorit Anton Martini duke kërkuar me ngulm largimin e tyre nga sistemi i drejtësisë, pasi i akuzonin si njerëz të papërshtatshëm dhe të nënshtruar nga faktorë politike.

Bajrat e Shkodrës u goditën vitin e shkuar në sajë të operacionit të koduar “Oaz”, ku u arrestuan mbi 10 pjesëtarë të këtij grupi. Gjykata e Krimeve të Rënda ka caktuar 10 masa të reja arresti, ku 5 prej personave të akuzuar, me në krye kreun e grupit ndodhen në qeli për vepra të tjera penale.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

'Trumpi i Kroacisë' deklaron fitoren në zgjedhjet presidenciale

'Trumpi i Kroacisë' deklaron fitoren në zgjedhjet presidenciale

29 Dhjetor, 20:40