Katër ditë armëpushim dhe shkëmbim të burgosurish, zbardhen detajet e marrëveshjes Izrael-Hamas

Qeveria e Izraelit dhe Hamasi kanë rënë dakord për një armëpushim katërditor. Përmes kësaj marrëveshje të ndërmjetësuar nga Katari, Hamasi do të lirojë 50 pengje izraelite, 20 gra dhe 30 fëmijë, në këmbim të 150 palestinezëve të burgosur në Izrael. Pengjet e liruara do të jenë izraelitë ose izraelitë me dy shtetësi, jo të huaj. Në territorin e Rripit të Gazës do të lejohen qindra kamionë me ndihma humanitare, furnizime mjekësore dhe karburant në Gaza.

Këto janë kushtet e marrëveshjes mes Izraelit dhe Hamasit të miratuar brenda natës (21 Nëntor) nga qeveria izraelite dhe të shpallura zyrtarisht mëngjesin e sotëm (22 Nëntor) nga qeveria e Katarit. Më poshtë do ju sjellim më shumë detaje rreth kësaj marrëveshjeje, raporton La Repubblica.

Ndalimi i luftërave

Ai do të zgjasë katër ditë, duke filluar nga nesër (24 orë pas shpalljes, saktësohet në komunikatën për shtyp nga Doha). Armëpushimi do të zgjatet: një ditë për çdo dhjetë të burgosur izraelitë të liruar përtej 50 të tjerëve. Ky detaj shërben për t'i dhënë kohë Hamasit për të identifikuar dhe mbledhur të burgosurit që kanë qenë në duart e grupeve të ndryshme që nga 7 tetori, para së gjithash e Xhihadit Islamik. Do të jetë Kabineti i Luftës dhe jo e gjithë qeveria që do të vendosë edhe 24 orë të tjera të pezullimit të armiqësive.

Shkëmbimi i të burgosurve

Arsyeja e marrëveshjes është: një izraelit për tre palestinezë. Disa nga gratë dhe fëmijët e rrëmbyer më 7 tetor do të lirohen. Nuk është e sigurt që të gjithë të miturit do të mund të largohen nga Gaza, pasi ata që e gjejnë veten në duart e milicive tjera përveç atyre të Hamasit, nuk ka gjasa të përfshihen në listë. Në këmbim, Izraeli do të lirojë 150 të burgosur palestinezë, ku një listë me emra u publikua pak orë më parë. Këta janë kryesisht djem nën moshën 18 vjeç të arrestuar në Bregun Perëndimor për gjuajtje me gurë. Në listë përfshihen edhe emrat e 13 grave, në shumicën e rasteve në burg për tentativë si therje me thikë. E gjithë lista arrin në 300 emra, ku përfshin gjithashtu edhe të burgosur që qeveria mund t'i lirojë më pas në këmbim të lirisë së tjerëve midis pengjeve. Emrat përfundimtare të atyre që do të lirohen do të bëhen të ditur pasi të kenë kaluar 24 orët që qeveria u ka dhënë izraelitëve për të apeluar kundër emrave individualë, pasi familjarët e personave të përfshirë në sulme kanë paraqitur tashmë apelet e para nëpër gjykata.

Ndihma

Ngarkesa me karburant, medikamente dhe ushqime do të mund të hyjnë në Gaza: dy avionë të plotë janë larguar tashmë nga Katari dje (21 Nëntor), me destinacion Egjiptin. Atyre duhet t'u bashkohet ndihma e mëtejshme që është bllokuar prej ditësh në vendkalimin Rafah, pasi kjo është mbështetja më e rëndësishme për Rripin e Gazës që nga fillimi i operacionit ushtarak. Një mbështetje jetike veçanërisht për spitalet, përveç Al Shifas (që ishte kryesori), në orët e fundit u bë i papërdorshëm edhe spitali indonezian, i shënjestruar nga bombardimet izraelite, ku mbetën të vrarë 3 mjekë brenda 48 orëve të fundit, mungesa e ilaçeve dhe energjisë elektrike, ndësa infrastruktura mjekësore e Gazës ka filluar të shembet.

Logjistika

Komiteti Ndërkombëtar i Kryqit të Kuq do të marrë në dorëzim pengjet izraelite, por ende nuk është e qartë se kur do të dalin apo nga ku (kalimi Rafah, ana egjiptiane e Rripit, apo nga një pikë tjetër në anën izraelite). Vetë Komiteti ndoshta do të menaxhojë lirimin e palestinezëve: por ende nuk ka detaje për këtë. Gjashtë spitale të shpërndara në të gjithë Izraelin janë gati të mirëpresin pengjet, pasi departamentet në të cilat ata do të shtrohen tashmë janë izoluar nga ushtria. Ata nuk kanë pasur asnjë kontakt me shtypin apo me botën e jashtme, vetëm për të shmangur kaosin që rrethoi daljen nga Gaza të znj. Yocheved Lifshitz, e cila foli me gazetarët pa autorizimin e qeverisë duke thënë (ndër të tjera) se pengjet po trajtoheshin mirë nga Hamasi.

Operacionet ushtarake

Izraeli ka rënë dakord të pezullojë fluturimin e dronëve të zbulimit gjatë pezullimit të armiqësive, e cila do lejojë Hamasin të lëvizë të burgosurit pa frikën e zbulimit të tuneleve. Ky është një detaj i rëndësishëm sepse deri më tani ushtria izraelite i kishte thënë gjithmonë "jo" kësaj klauzole. Luftimet do të rifillojnë në fund të pauzës dhe ushtria izraelite do të qëndrojë në pozicionet që ndërtoi në Gaza gjatë armëpushimit, dhe civilët nuk do të lejohen të kthehen në veri të Rripit të Gazës gjatë këtyre katër ditëve.

S.S/Shqiptarja.com

TAG:
• sulmohet izraeli
• lufta ne rripin e gazes