Katër zonja janë në garë me njëra-tjetrën për të marrë kreun e Forumit të Gruas Socialiste. Zgjedhjet do të mbahen sot, kur do të dalë edhe fituesja për Tiranën. Katër zonjat që garojnë për kreun e forumit janë Etilda Muhaj, Klodeta Dibra, Voltiza Prendi dhe Zana Sina. Pesë ditë më parë, kandidatet për forumin e gruas socialiste për Tiranën prezantuan edhe platformat e tyre në Asamblenë e FGS Tiranë, ku të pranishëm ishin edhe Kryetarja e PS për Tiranën Blerina Gjylameti, kryebashkiaku Erion Veliaj si dhe deputetë të kësaj force për Qarkun e Tiranës.
Kryetarja e PS për Tiranës njëherësh edhe deputete në Kuvend, Blerina Gjylameti vendosi theksin tek rivitalizimi dhe rritja e përfaqësimit të grave në vendimmarrje. “Rritja e përfaqësimit të grave në politikë, në parti dhe kudo në jetë sjell vetëm pozitivitet dhe ajo që të gjitha ne dëshmojmë çdo ditë është që vëmendja e qeverisë ka qenë dhe është te grate që në ditët e para te saj. Asnjëherë më parë Partia Socilaiste dhe qeveria shqiptare nuk ka qenë e përfaqësuar me gra sikundër keto vite, ku grate kudo ku shkojnë kanë ndriçuar me shembullin dhe modelin e tyre.
Partia Socialiste, sikundër të gjitha ne e kemi parë, ka qenë vazhdimisht në një reformim në qendër të së cilës ka qenë gruaja dhe zhvillimi i mëtejshëm i saj. Sikundër në shumë procese, edhe për integrimin e grave në vendimmarrje, Partia Socialiste qëndron gjithmonë në pararojë. Është e vetmja forcë politike që ka ndërmarrë një sërë reformash për rritjen e rolit të gruas në shoqëri, por edhe sanksionimin ligjor të saj”, tha Gjylameti.
Teksa vlerësoi numrin e grave të përfaqësuara në Këshillin Bashkiak të Tiranës dhe në pozicione drejtuese në institucionet shtetërore, deputetja Gjylameti nënvizoi se niveli më i lartë i përfaqësimit të grave në politikë e parlament, do të sigurojë që pikëpamjet dhe interesat e grave dhe vajzave të përçohen dhe mbrohen.
“Nuk është balancim sasior, por mbi të gjitha nevojë dhe vizioni i Partisë Socialiste për të besuar tek gratë dhe vajzat se janë të shkëlqyera edhe në vendimmarrje. Një shoqëri e cila vepron në kuadër të parimeve demokratike, një shoqëri e cila synon të ketë qeverisje të mirë dhe sistem elektoral të drejtë e të lirë, nuk ndërtohet si e tillë pa përfshirje të plotë e të denjë të të dy gjinive. Koleget tona në parlament kanë mbështetur nismat për barazinë gjinore në vend, që të gjithë së bashku të krijojmë mundësitë që gratë dhe vajzat të kenë kontribut të drejtpërdrejtë në politikë dhe vendimmarrje.
Niveli më i lartë i përfaqësimit të grave në politikë e parlament, do të sigurojë që pikëpamjet dhe interesat e grave dhe vajzave të përçohen dhe mbrohen”, tha Gjylameti, teksa shtoi se rritja e pjesëmarrjes së grave dhe jetën politike edhe pas zgjedhjeve të vitit 2019 është një mundësi më shumë për fuqizimin e rolit të grave në vend në këshillat bashkiak. “Më shumë gra të punesuara, më shumë gra në politike, më shumë gra me vetbesim dhe me mundësi, do të thotë më pak dhunë, më pak nënshtrim dhe një vend më i mirë për të gjithë ne.
Uroj qe perfaqesia e grave ne Partine Socialiste dhe politiken shqiptare te rritet gjithmone e me shume, te gjitha ne duhet te punojme fort per kete, sepse me shume gra do te thote nje parti me e mire, me e forte, me e bashkuar. Beteja jonë, është betejë edhe për gratë dhe vajzat, për familjen tonë, është betejë për Shqipërinë”, deklaroi Kryetarja e PS për Tiranën. Më poshtë do t’ju sjellim nga një profil të shkurtër që secila prej tyre ka prezantuar në këtë garë, e diel, 2 dhjetor do të na njohë me emrin e fitueses.
Kush janë kandidatet:
-Klodeta Dibra prej 30 vitesh është pedagoge në Universitetin e Tiranës ku ka qenë edhe dekane. Ajo është anëtare e Këshillit bashkiak të Tiranës si dhe kryetare e Aleancës së grave Këshilltare Bashkiake.
-Kandidatja tjetër është Voltiza Prendi, e cila prej 11 vitesh është pjesë e familjes politike të Partisë Socialiste, ndësa kontribuon në mënyrë të vijueshme si lektore e komunikimit dhe orientimit të karrierës, aktiviste e çështjeve sociale (veçanërisht në mbrojtjen e të drejtave dhe barazisë). Prej më shumë se një dekade është edhe pjesë e Bashkisë së Tiranës.
-Etilda Muhaj është me profesion mësuese dhe prej vitesh drejtoreshë e një prej shkollave më të mëdha në kryeqytet, “Kongresi I Manastirit”.
-Në garë është edhe Zana Sina e cila prej disa vitesh kontribuon në strukturat e PS.
Komente
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
Do fitoje ajo qe eshte me e re dhe me e bukur kjo I duhet Rames
Përgjigju