POP 5

Lajmet më të lexuara të 5 minutave të fundit

Ekonomi

Katër HEC-et u shitën 85 mln euro
Kurum vuri kusht marrjen e TVSH-së

Ka përfunduar në një shitje të dështuar, nga pikëpamja e vlerës, tjetërsimi i pronësisë mbi katër hidrocentrale, mbi lumin Mat dhe Bistricë.
Përse u mbajt i fshehtë kushti për rimbursimin e TVSH-së Kurum-it
Katër HEC-et u shitën 85 mln euro<br />Kurum vuri kusht marrjen e TVSH-së
TIRANE - Ka përfunduar në një shitje të dështuar, nga pikëpamja e vlerës, tjetërsimi i pronësisë mbi katër hidrocentrale, mbi lumin Mat dhe Bistricë. Statistikat e fundit zyrtare të ministrisë së Financave për 5-mujorin tregojnë se në zërin « privatizime » kanë kaluar pikërisht 110 milionë euro gjatë muajit maj.

Në të njejtën kohë, në një zë të posaçëm, të krijuar vetëm tani, figuron edhe rimbursimi i Tatimit mbi Vlerën e Shtuar për kompaninë Kurum, blerësen e 4 HEC-eve, që nuk është pak, por 28.8 milionë euro. Kjo bën që në arkën e shtetit të kenë kaluar jo 110, por 85 milionë euro.

Kjo është shifra, me të cilën u shitën katër objekte të kompletuar e të modernizuar, që prodhojnë energji nga prurja e lirë e lumenjve, gati pa kosto të lëndës së parë, që janë në punë e sipër.

Pas shpalljes së kompanisë turke si fituese të tenderit, kjo e fundit nuk pranoi të derdhë në arkën e shtetit shifrën e blerjes, duke kërkuar nga shteti shqiptar që të respektonte ligjet në fuqi, që parashikojnë rimbursimin e TVSH-së së rimbursueshme.

Shifra prej 28.5 milionë eurosh tejkalon edhe fantazinë më të sëmurë, duke treguar një paaftësi profesionale dhe likuiditeti nga ana e administratës fiskale, fajtore që ka grumbulluar në vite një mal me borxhe.

Por, si Kurumi janë me dhjetëra kompani, të cilat prej vitesh presin më kot rimbursimin që u takon sipas ligjit, apo pagesën e faturave për punë të kryera në infrastrukturë, shuma që kalojnë 400 milionë eurot, sipas shoqatave të biznesit.

Më parë, gjatë procesit të privatizimit, deputeti i Partisë Socialiste Eduard Shalsi ka depozituar në prokurorinë e Tiranës një denoncim për vendimin e qeverisë për të shitur hidrocentralet e Ulzës, Shkopetit dhe Bistricës 1 e 2.

Sipas deputetit socialist, në shitjet e hidrocentraleve që ka bërë qeveria në një hark të shkurtër kohor është vërejtur një diferencë e madhe në çmim. Kështu, hidrocentrali i Lanabregasit iu shit pushtetit vendor me një çmim prej 3 milion euro për 1 megavat fuqi e instaluar, ndërsa Ulza, Shkopeti dhe Bistrica 1 e 2 ju shitën një kompanie private me një çmim prej 1.4 milion euro për 1 megavat fuqi e instaluar.

Nisur nga ndryshimi i çmimeve rezulton se me shitjen e 4 HEC-eve interesave të shqiptarëve u është shkaktuar një dëm ekonomik prej rreth 100 milion euro. Por kjo, ende nuk llogariste zbritjen e mëtejshme të çmimit, të shkaktuar nga rimbursimi.

Sipas Shalsit, ndërkohë që blerësi i HEC-eve do të ketë mundësinë që brenda 4 viteve të ketë marrë mbrapsht sasinë e parave të shpenzuara për blerjen e HEC-eve, shqiptarët do të paguajnë 4 herë më shumë nga çfarë paguajnë tani, që do të thotë që shqiptarët do të kenë në buxhetin e tyre 4 herë më pak para për shkolla, kopshte, çerdhe apo dhe asistencë sociale.

Shkrimi u botua sot në gazetën Shqiptarja.com (print) 20.06.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

GJKKO liroi Berishën, avokati Gjokutaj: Del që sot nga 'arresti shtëpiak'! SPAK të bëjë ç'të dojë, i ka hipur kalit së prapthi

GJKKO liroi Berishën, avokati Gjokutaj: Del që sot nga 'arresti shtëpiak'! SPAK të bëjë ç'të dojë, i ka hipur kalit së prapthi

27 Nëntor, 10:17